Zaldibar argitu: langileak, segurtasuna, erantzukizunak testua duen pankarta zabaldu dute Ermuko kaleetan, joan zen ostegunean Zaldibarko zabortegian gertaturiko hondamendiaren kudeaketarengatik protestan. Jendetza handia bildu da protestan, mila pertsonatik gora. Manifestariek ez dute lelorik oihukatu, baina txistu egin bai. Herritarrek deitu dute protestara, besteak beste ekologistek eta hainbat kolektibotakoek.
Ireki dute pankarta Ermuko plazan. Jendetza handia. 17.000 biztanleko herri bat da. #ZaldibarArgitu@berriapic.twitter.com/en0SldMnLj
— Imanol Magro (@Imagreto) February 10, 2020
Zaldibarren eremuan dago jausitako zabortegia, Eitzaga auzoan, baina Ermutik eta Eibartik oso gertu. Zaldibarren ere, protesta egin dute herritarrek. Dozenaka elkartu dira, udaletxearen atarian, eta manifestazioa egin dute ondoren. Zaratatsua izan da herritarren protesta.
Hasi da zarata Zaldibarko idaletxe atarian @berriapic.twitter.com/QHRCi0tBUF
— Amagoia Gurrutxaga (@AmagoiaGu) February 10, 2020
Eibarko manifestazioan, berriz, desagerturiko langileen senide batzuek ere parte hartu dute. Azalpenak orain eta Senideak gurekin nahi ditugu lelodun elastikoak eraman dituzten jantzita. Han milaka pertsona atera dira kalera.
Eibarko manifestazioan desagerturiko langileen familiakoak egon dira. 'Azalpenak orain' eta 'Senideak gurekin nahi ditugu' lelodun elastikoak zeramatzaten. @berria#ZaldibarArgitupic.twitter.com/JJr7WObJvE
— Imanol Magro (@Imagreto) February 10, 2020
— Txurtu (@Txurtux) February 10, 2020
Markinan eta Mallabian ere egin dituzte elkarretaratzeak. Herritarren osasuna zaintzeko, langileen bilaketa lanak bertan behera ez uzteko, eta dagokionari erantzukizunak hartzeko eskatzen aritu dira herritarrak.
