Noiz sortua: 2020-04-02 15:29:11

Osasuna bermatzen ez duten enpresak, fiskaltzara

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Donostiako ospitaleko langile batzuk, mobilizazio batean
Donostiako ospitaleko langile batzuk, mobilizazio batean Jon Urbe (Foku) Tamaina handiagoan ikusi

Jokin Sagarzazu -

2020ko apirilak 2

LAB sindikatuak iragarri du auzitara joko duela, oinarrizko lanetan ari diren eta «bizia arriskuan jartzen ari diren» langileen egoerak salatzeko eta haien osasun eskubidea babesteko. Fiskaltzaren esku jarriko ditu salaketa horiek, zigor instrukzioko prozesuak ireki ahal izateko.

Halaber, sindikatuko kideek Ertzaintzari dei egingo diote, egoera horiei unean-unean eta lekuan bertan «aurre egiteko» neurriak har ditzaten eskatzeko, eta «idatzizko salaketak» igorriko dizkiete «agintari eskudunei». LABek azaldu duenez, orain arte sindikatuek egoera horiek salatu dituzte Lan Ikuskaritzan, baina ez dute «inolako erantzunik» jaso.

Youtube bidez eginiko agerraldi batean, Zerbitzu Pribatuetako idazkari Maddalen Doradorrek eta Zerbitzu Publikoetako idazkari Gorka Berasategik ohartarazi dute «kolapso egoerak» sortzen ari direla oinarrizko zerbitzu batzuetan, leku horietan dagoen «kutsadura mailagatik».

«Azpikontratuak, emakumeak, ikusezinak»

Nabarmendu dute egoera hori bereziki larria dela sektore feminizatuetan: saltokietan, telemarketingean, etxeko lan eta garbiketa sektoreetan... Eta, bereziki, osasungintzan, adinekoen egoitzetan eta etxez etxeko laguntzako zerbitzuetan. Familien, egoitzetako langileen eta erabiltzaileen arteko komunikazioa bermatzeko ere eskatu dute, «mundu guztiak ezagut ditzan babes neurriak eta martxan dauden protokoloak».

Horren harira, gogoratu dute sektore horietan ari diren enpresa eta langile gehienak administrazioak azpikontratatuak direla, eta ardura badutela; salatu dute, baina, erakundeak «beste alde batera» begiratzen ari direla eta ez direla pertsona horien «segurtasunaren alde» egiten ari. Horiek hala, ohartarazi dute langile horien artean kutsatzeak «modu ikusgarrian areagotzen» ari direla.

«Gaur milaka emakumek babes ekipamendurik gabe lan egingo dute, euren osasuna eta gertukoena arriskuan jarriz», adierazi dute, egunero osasun zentroetara joaten diren garbitzaileei erreferentzia eginez, eta gogoratu langile horiei osasun etxe eta enpresetako beste langileen «protokolo bera» aplikatu beharko litzaiekeela.

Sindikatuko kideek gaitzetsi dute langile horiek «ikusezinak» direla, eta azpimarratu alarma egoeraren hirugarren astean eskatzen ari direla hasieran aldarrikatu zituzten babes neurri berberak. Baina salatu dute administrazioa industriaren sektorea lehenesten ari dela. «Babes neurriak industria handiaren iraupenera bideratzen ari dira. Hau ez da kasualitatea, sistema honen diru gosea emakumeon bizkarrean jarritako eta ezkutatutako zaintza lan horiei guztiei esker bizi delako», salatu du LABek.

Auzitegira, material eske

ELAk, berriz, helegite bat aurkeztu du EAEko Justizia Auzitegi Nagusian, Osakidetzak berehala eman diezazkien babes materialak bere langileei. Sindikatuak gogoratu du martxoaren 31 arte Osakidetzako 1.145 langilek eman dutela positibo koronabirusagatik; horietatik 44 ospitaleratu behar izan dituztela, eta horietako bat hil egin dela. Positibo guztien % 18 Osakidetzako langileenak direla azpimarratu du, eta ehuneko hori Espainiakoa eta Italiakoa baino handiagoa dela.

«Gizartearen elkartasuna oso positiboa da, baina ez dugu ahaztu behar langileen segurtasuna ezin dela hirugarren pertsonen borondatearen mende egon; Eusko Jaurlaritzak bermatu behar duela», adierazi du ELAk komunikabideetara bidalitako ohar batean.

Sindikatuak berriro eskatu du funtsezkoak ez diren zerbitzu guztiek beren jarduera eteteko. Azaldu du horrek, kutsatze katea ekiditeaz gain, eskuragarri dauden babes ekipamendu guztiak funtsezko sektoreetara bideratzea ahalbidetuko lukeela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna