Noiz sortua: 2020-04-07 13:25:32

Jaurlaritzak 43,5 milioi jarriko ditu herritarren oinarrizko premietarako

 
Lanbidek Bilbon duen buego bat, aurreko astean
Lanbidek Bilbon duen buego bat, aurreko astean Luis Tejido (Efe) Tamaina handiagoan ikusi

Jokin Sagarzazu -

2020ko apirilak 7

Iñigo Urkullu lehendakariak iragarri duenez, Eusko Jaurlaritzak 43,5 milioi jarriko ditu gizarte larrialdietarako laguntzetarako, eta 76 milioi, berriz, autonomoentzat eta kontziliazio neurrietarako. Orain arte, Jaurlaritzak 1.025 milioiko diru funts bat sortu du COVID-19aren ondorioei aurre egiteko, eta horien barruan daude diru sail horiek.

Gaurko bileran, Gobernu Kontseiluak Enplegu eta Gizarte Politiketako Sailaren hainbat egitasmo onartu ditu. Oniritzia eman dio gizarte larrialdietarako laguntzetarako zuzkiduran 16 milioi euro handitzeari: aurretik 27,5 milioi zeuden jasota, eta 43,5 milioira igoko dute. «COVID-19ak erasandako familia askori bizi baldintzak hobetzeko modua emango die horrek», azpimarratu du Urkulluk.

Beatriz Artolazabal Enplegu eta Gizarte Politiketako sailburuak azaldu duenez, laguntza horiek oinarrizko premiei erantzuteko dira, hala nola behar besteko diru sarrerarik ez duten familientzat edo pertsonentzako jantzien, hezkuntzaren, prestakuntzaren eta osasun arretaren oinarrizko beharretan ezohiko gastuak ordaintzeko. Ez du eman zehaztasunik, baina azaldu du laguntza eta programa horiek hainbat erakunderekin batera garatuko dituztela: udaletako gizarte zerbitzuekin bereziki, eta gobernuz kanpoko erakundeekin.

Horrekin batera, Jaurlaritzak 76 milioi euro jarri ditu Lanbideren bitartez langile autonomoak laguntzeko, Gazteen Bermerako sistemarako eta kontziliaziorako. Halaber, bazterkeria eta pobrezia egoerei aurre egiteko, beste 10 milioi euroko funts bat sortuko du gobernuak.

Urkulluk azpimarratu du Jaurlaritzaren laguntzek hiru lehentasun dituztela: osasun arretarako baliabideak eta bitartekoak jartzea; laguntza ematea sektore ekonomikoei, merkataritzari, autonomoei eta enpresei, enplegua eta jarduera sostengatzeko; eta babesa ematea pertsonarik ahulenei eta osasun larrialdiak gehien eragindako kolektiboei.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Arantzazu (Oñati, Gipuzkoa), larunbatean. ©Marisol Ramirez / Foku

Hego Euskal Herria, azken faserako prestatzen

Berria

EAE datorren astelehenean hirugarren fasera pasatzeko eskatuko dio gaur Iñigo Urkullu Jaurlaritzako lehendakariak Espainiako Gobernuari, eta Nafarroa «normaltasun berrira iristeko neurriak» onartzeko prest dagoela esan du Maria Txibite presidenteak.

Irakasleak irakasle gelan, Zarauzko Orokieta herri eskolan ©Andoni canellada / foku

Irakasleak ikastetxeetara itzultzen hasi dira, Jaurlaritzak hala aginduta

Irati Urdalleta Lete

Modu progresiboan egingo dute itzulera, eta salbuetsita egongo dira kontziliaziorako arazoak eta osasun arazoak dituztenak

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du gaur Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna