Bilboko portuko lan gatazka

Zamaketariek akordio bat onartu dute lan hitzarmena negoziatzen jarraitzeko

Langile batzordearen gehiengoak sinatu du, baina ELA eta LAB kanpoan gelditu dira. Orain, hamabost egun dituzte negoziazio mahai berria osatzeko.

Bilboko portuko zamaketariak protesta ekintza batean.
Bilboko portuko zamaketariak protesta ekintza batean. Goyo Docker Tamaina handiagoan ikusi

Imanol Magro Eizmendi -

2021eko urtarrilak 14 13:53

Bilboko portuko lan gatazkaren korapiloa askatzen hasteko akordioa lortu dute zamaketarien sindikatuetako batzuek eta Bilbo Estibak. Espainiako lan ministerioaren zaintzapean egun eta erdiz negoziatu ondoren, Coordinadorak, UGT eta Kaia sindikatuetako ordezkariek akordio bat lortu dute Bilboko portuko zamaketa enpresak batzen dituen elkartearekin. Bi aldeek zazpi akordio puntu adostu dituzte «negoziatzen jarraitzeko». ELA eta LABek ere ordezkaritza bat dute langile batzordean, baina ez dira gehiengoa, eta haiek ez dute akordioa sinatu.

Azken bi egun hauek gorriz markaturiko egunak ziren Bilboko portuko bulegoetan eskegita dauden egutegietan. Bi aldeak eta Espainiako lan ministerioak biltzekoak ziren Madrilen negoziazioen norabidea aldatzen saiatzeko, eta, txikiak badira ere, aurrera egiteko moduko fruituak eman ditu. Lan ministerioak zehaztu du bi aldeek «konpromiso» bat lortu dutela bilerekin jarraitu ahal izateko. Lan hitzarmen berria da eztabaidatzen ari direna, eta zamaketariek euren lan karga ziurta dadila nahi dute. Portu barneko hainbat jardun, baina, liberalizatu egin ditu Europako Parlamentuak, eta horrek zaildu egin ditu bilerak.

Akordioaren arabera, sektore mailako mahai bat eratuko da orain, «Bizkaiko zamaketari guztiak barnean hartuko dituena». Alegia, kontratu mugagabea duten 320 zamaketariak, eta behin-behinean daudenak. Behin-behinekoen baldintzak dira gatazkako eskaeretako bat. Akordioetako puntu bat «behin-behinekotasuna murrizteko» proposamenak onartzea da. Bi aldeek hamabost eguneko epea dute orain negoziazio mahaia osatu eta berriz biltzeko.

Bilboko zamaketariena azken hilabeteetako grebarik luzeena izan da. Urri eta abendu artean 55 eguneko lanuztea egin zuten, eta eragin handia izan zuten azpiegituraren jardunean. Enpresak, aurretik, Jaurlaritzaren bitartekaritzari uko egin zion negoziazioan, eta, azkenean, Lan Ministerioak lortu du bi aldeak batzea. Akordiorik lortu izan ez balitz, giroa are gehiago gaiztotzeko arriskua zegoen; zamaketariak grebara itzultzeko prest zeudelako eta enpresek begi onez ikusten zutelako auzia arbitraje betearazle baten bidez argitzea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Langile bat farmazia laborategi batean ©Hugo Delgado (Efe)

Faes Farmak planta bat izango du Derion, 200 langile berrirentzat

Jokin Sagarzazu

Bere produkzioa hirukoiztea espero du. 150 milioi inbertituko ditu lantegi berrian

Bilboko Kale Nagusian eginiko hileta, iaz lan istripuetan hildako langileen omenez. ©Aritz Loiola / FOKU

Hego Euskal Herrian 150 lan ikuskatzaile falta direla salatu dute ELAk eta LABek

Imanol Magro Eizmendi

Sindikatuak bilerak eskatu dizkiete Eusko Jaurlaritzari eta Nafarroako Gobernuari prekarietateaz hitz egiteko

Pertsona bat, saltoki batean ©Jaizki Fontaneda (Foku)

Elikagaiak izan ziren iaz gehien garestitutako produktuak

Jokin Sagarzazu

Urteko inflazioa negatiboa izan da, eta prezioek, oro har, %0,5 egin dute behera. COVID-19aren eragina nabaria izan da sektore batzuetan, garraioan bereziki.

Lanbidek Gasteizen duen bulego bat ©Raul Bogajo (Foku)

Mendiak aldaketak iragarri ditu Lanbideren egituran

Jokin Sagarzazu

«Zerbitzu eraginkorrago» bat emateko, hainbat neurri jarriko dituzte martxan aurten. Kontratazio bolumena %4 handitzeko helburua jarri du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna