Albistea entzun

Finantzak

Bitcoinaren erorialdiak ez du etenik

Finantza produktu horren balioak bost egun jarraian daramatza behera egiten: ia %42 jausi da apiriletik. Kriptodibisen arriskuez ohartarazi dute banku zentralek.

Bitcoinak erosteko bulego bat AEBetan
Bitcoinak erosteko bulego bat AEBetan JUSTIN LANE (efe) Tamaina handiagoan ikusi

Jokin Sagarzazu -

2021eko maiatzak 19 19:55

Egun zailak bizi ditu bitcoinak, munduan gehien erabiltzen den kritomonetak; finantza produktu horren balioak bost egun jarraian daramatza behera egiten. Asteazken honetan, %13 erori da, eta ia %42 jausi da apiriletik. 37.800 dolarrean (30.932 euroan) dago haren balioa. Antzeko jokaera izan dute gainerako kriptodibisek. Txinako eta Europako banku zentralen adierazpenek eragin zuzena izan dute erorikoan.

Sua piztu, baina, Elon Musk Teslaren sortzaileak piztu zuen, aurreko astean. Kriptomoentekin ordainketak egiteari utziko ziola iragarri zuen eta finantza aktibo gisa gainbaloratuak zeudela adierazi zuen.

Horri, orain, Txinako Banku Popularraren oharrak gehitu behar zaizkio. Gogoratu du herrialdean debekatuta daudela kriptomoneten erabilera eta horrekin loturiko zerbitzu guztiak. 2013an ezarri zuen debeku hori Txinak, baina, halere, kriptodibisen merkatu nagusia da mundu osoan. Han mugitzen dira kriptomoneten %65 inguru. Analisten arabera, gobernuaren ohartarazpenak kezka eta izua eragin du inbertsiogileetan.

Europako Banku Zentralak ere bidali du abisua. Maiatzeko finantza egonkortasunari buruzko txostenean gogorarazi duenez, bitcoina osoa aktibo arriskutsua da oso espekulatiboa delako, eta kontu handiz erabili behar da. Joe Biden AEBetako presidente berriak iragarritako zerga erreformak ere uxatu omen ditu inbertsiogileak.

Espekulazioaren menpe

Era horretako adierazpen eta erabakiek eragin handia dute kriptobidisen merkatuan. Kriptomoentak oraindik oso gutxi erabiltzen dira diru arruntaren gisa: inbertsiorako erabiltzen dira, nagusiki. Munduan gehien kapitalizatzen duen zazpigarren aktiboa da gaur egun. Baina oso ezegonkorra da, salerosleen araberakoa baita bere balioa.

Kopuru mugatu bat dute. Bitcoinaren kasuan, adibidez, algoritmo batek erabakita, 21 milioi bitcoin izan daitezke gehienez zirkulazioan. Beraz, erosle gehiago, balio handiagoa; erosle gutxiago, balio txikiagoa. Bere funtzionamenduagatik oso espekulatiboa da, eta hori arautzeko beharra ikusten dute banku zentralek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zentral eoliko bat Yanchengen (Txina). 2025. urtean Txinarena izango da munduko energia eskariaren heren bat. ©ALEX PLAVEVSKI / EFE

Hiru urte barru berriztagarriak izango dira munduko argindar iturri nagusia

Paulo Ostolaza

Ikatza gaindituko dute, IEA Nazioarteko Energia Agentziaren arabera. Datozen hiru urteetako eskariaren igoera ere energia berriztagarriekin eta nuklearrarekin aseko da ia erabat.

LAB sindikatuaren mobilzazioa, asteazken honetan ©Guillaume Fauveau

LABek pentsio sistema propioa aldarrikatu du

Berria

Manifestazioa egin du Hendaia eta Irun artean. Euskal Herriko alderdi politikoak deitu ditu Madrilen eta Parisen murrizketa gehiago ez onartzera. Frantziako sindikatu nagusiek beste mobilizazio egun bat antolatu dute hilaren 16rako.

Novaltiako eta Vulcanizados Zuloagako grebalariak protestan, Lan Ikuskaritzaren Bilboko egoitzaren atarian. ©ELA Bilbo

Enpresen «konplize» izatea egotzi diote Novaltiako eta Vulcanizados Zuloagako grebalariek Lan Ikuskaritzari

Iñaut Matauko Rada

Ikuskaritzaren egoitzaren atarian elkarretaratzea egin dute grebalariek. Greba eskubidea «etengabe» urratzen zaiela gogorarazi dute.

Javier Remirez Nafarroako Funtzio Publikoko kontseilaria. ©Iñigo Uriz / Foku

Nafarroako Gobernuak baztertu egin du bere langileei soldata gehiago igotzea

Iker Aranburu

«Baliabideak mugatuak dira», argudiatu du Javier Ramirez Funtzio Publikoko kontseilariak. Soldatak inflaziora parekatzea da hilaren 15eko grebaren eskakizunetako bat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...