Albistea entzun

Garraioa

EAEko Auzitegiak baliogabetu egin du Uberren jarduera mugatzen duen dekretuaren zati bat

Gehiegizkotzat jo du kontratazioa egin eta zerbitzua hasi artean ordu erdiko tartea izatera derrigortzea.

Bilboko taxilari baten protesta, auto gidaridun zerbitzua eskaintzen duten plataformen aurka
Bilboko taxilari baten protesta, auto gidaridun zerbitzua eskaintzen duten plataformen aurka Marisol Ramirez (Foku) Tamaina handiagoan ikusi

Jokin Sagarzazu -

2021eko ekainak 11

EAEko Auzitegi Nagusiak neurri batean arrazoia eman dio Uber auto gidaridun zerbitzua ematen duen enpresari, eta bertan behera utzi ditu zerbitzu hori arautzen duen Eusko Jaurlaritzaren dekretuaren bi puntu: zerbitzua eskatu eta aktibatu arteko 30 minutuko itxarote-tarteko obligazioa eta geolokalizazioaren berri emateko debekua.

Hego Euskal Herrian 2019ko udazkenean hasi ziren ematen auto gidaridunen zerbitzua plataforma digitalen bidez, Bilbon bereziki. Taxilarien kexei erantzunez, Jaurlaritzak dekretu bat egin zuen, eta horren kontra helegitea jarri zuen Uberrek EAEko Auzitegi Nagusian.

Dekretua onartu aurretik, baina, Lehiaren Euskal Agintaritzak arauaren kontrako txosten bat igorri zion Jaurlaritzari, esanez bertan jasotzen diren neurriak baztertzaileak eta murriztaileak zirela. Tartean, gehiegizkotzat jo zuen kontratazioa egin eta zerbitzua hasi artean ordu erdiko tartea izatera derrigortzea. Batzordearen arabera, neurriek merkatuaren lehia mugatzen zuten, eta erabiltzaileak kaltetzen zituzten. Dena den, Jaurlaritzak dekretuarekin aurrera jarraitu zuen, eta 2020aren hasieran indarrean sartu zuen.

Orain, EAEko Auzitegi Nagusiak gauza bera adierazi dio Jaurlaritzari, eta araudiaren bi puntu indargabetu ditu.

30 minutuko tarteari dagokionez, argudiatu du zerbitzu gehienak distantzia laburrekoak direla, eta bidaiariek berehala erabiltzekoa. Hala, azpimarratu du Uberreko autoak kaltetuak izango liratekeela ohiko taxien aldean. «Gutxienez 30 minutu itxaron behar bada, eta taxi zerbitzua erabiltzeko itxaron beharrik ez bada, auto gidarudunak merkatuan sartzeko dituzten aukerak oso mugatuak izango lirateke, eta praktikan enpresa askatasunaren printzipioa garatzeko oztopo bat dela esan daiteke», dio ebazpenak.

Geolikalizazioaren debekuari dagokionez, auzitegiak uste du murrizketa hori ez dagoela behar bezala justifikatuta. Azaldu du ez dagoela auto gidaridunentzako geltokirik edo ezin direla ibilgailu horiek gelditu zirkulatzen ari bitartean, eta geolokalizazioa bezeroentzako tresna erabilgarria dela, zerbitzua aldez aurretik kontratatu behar delako aplikazio baten bidez.

EAEko Auzitegi Nagusiaren ebazpenaren aurka helegitea jar dezake Jaurlaritzak Espainiako Auzitegi Gorenean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Pertsona bat, argindar konpainia baten goi tentsioko linea baten alboan. ©ELISEO TRIGO / EFE

Madrilek argindarraren BEZa urtea amaitu bitarte jaitsiko du, baina aldakorra izango da

Jokin Sagarzazu

%21etik %10era murriztuko da, eta hileko faktura sei euro merkatuko da batez beste. Hamar kilowatteko potentzia baino gutxiago dutenentzat izango da

Iruñeko Caixabanken egoitza nagusian elkarretatzea egin zuten atzo, kaleratzeen aurka. ©IDOIA ZABALETA / FOKU

Caixabankeko langileek greba egin dute Hegoaldeko 140 kaleratzeak salatzeko

Joxerra Senar

Sindikatuen arabera, erantzun handia izan du lanuzteak, %80tik gorakoa. Taldeak ezarritako baldintzak «basatiak» eta neurrigabeak direla diote

 ©ISMAEL HERRERO / EFE
Autobus elektrikoa, Irizarrek Adunan duen plantaren aurrean. ©M.A. / FOKU

Enplegu berderako gida

Imanol Magro Eizmendi

Trantsizio ekologiko egoki batek lan merkatuan izango lukeen eragin positiboa aztertu dute zenbait elkartek eta sindikatuk. Energia iturriak nazionalizatzea eta haien kontsumoa murriztea dira gakoetako batzuk.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna