Euskal Herriko bost kirolari lehiatuko dira bihar, ostirala, Tokion. Besteak beste, Sergio Fernandezek ekingo dio aurtengo Olinpiar Jokoetan, 400 metroko hesiduneko lehen txandan, 04:33tik aurrera. Nafarraren bigarren Olinpiar Jokoak dira hauek: Rion finalerdietara heldu zen.
Jose Maria Basterra izango da lehiatzen lehena, 03:00etan. Ligaxkako azken partida jokatuko dute, Australiaren kontra.
05:05ean, berriz, Kevin Peponneten txanda izango da. 470 diziplinako bosgarren eta seigarren probetan lehiatuko da, 05:05ean eta 05:15ean. Guztira hamar lasterketa jokatu beharko ditu kanporaketan.
07:15ean lehiatuko dira Julen Aginagalde eta Eduardo Gurbindo Frantziaren kontra, ligaxkako partidan.
Bihar, gainera, zenbait final izango dira. Atletismoan, esaterako, gizonezkoen 10.000 metrokoa jokatuko da, 13:30ean. Igeriketan,03:41ean hasiko dira finalak, eta arraunean, 02:33ean.
Tokio 2020ko egutegia eta proben ordutegia kontsultatu hemen: Egutegia eta proben ordutegiak, egunez egun
