Albistea entzun

Koronabirusa

COVID-19aren kontrako txertoaren prototipo bat patentatu du Nafarroako ikerketa talde batek

Nafarroako Unibertsitateko eta Cima ikerketa taldeko zientzialariek garatu dute; agertuz joan daitezkeen birus aldaerei aurre egiteko erraz moldatzeko erakoa dela azaldu dute.

COVID-19aren kontrako txertoaren prototipo bat patentatu du Nafarroako ikerketa talde batek
COVID-19aren kontrako txertoaren prototipo bat patentatu du Nafarroako ikerketa talde batek Tamaina handiagoan ikusi

Arantxa Iraola -

2021eko urriak 21

Esan dutenez, Nafarroako Unibertsitateko eta Cima ikerketa taldeko hainbat arlotako zientzialarien arteko elkarlanaren emaitza dela COVID-19aren kontrako txertoaren prototipoa, eta egiaztatua duela ja eraginkortasuna animaliekin egin dituzten probetan. Horiek horrela, patentatu egin dute prototipoa, hemendik aurrera klinikaren aurreko faseei ekin ahal izateko, eta onbidean, klinikoei.

Birusaren S proteinari begira garatu dira orain arte txerto asko, baina prototipo honetan proteina horren «zati minimo» batzuei erreparatu dietela azaldu dute zientzialariek, infekzioaren aukako babesa lortzeko erabakigarriak diren horiei. «Era horretan, propio eremu horretan bakarrik antigorputzak garatzen dituen txerto bat diseinatu dugu», azaldu dute Juan Jose Lasarte eta Pablo Sarobe ikertzaileek.

Ezaugarri horren ondorioz, «txertoa sintesi kimikoaren» bidez presta daitekeela nabarmendu dute, «homogeneoa eta egonkorra» den prozesu baten bitartez egin daitekeela, eta etor daitezkeen birusaren aldaeretara erraz moldatu ahal izango dela. Era berean, adierazi dute espero dutela prototipoa oinarri hartuta txerto bat garatu ahal izatea azpiegitura urriak eta hozkailu bereziak-eta ez dituzten lekuetan erabiltzeko modukoa.

Emerging Microbes and Infections argitalpenean eman dute egindako lanaren berri, eta, Wuhanen zabaltzen hasi zen birusaren kontra bakarrik ez, atzetik heldu diren aldaeren kontra egiteko ere balio duela esan dute. «Txerto honen helburua ez da ja gure inguruan dauden txertoekin lehian jardutea; baina zein erraz gara daitekeen ikusita, hautu egokia izan daiteke oraindik txertoa lortzeko erarik ez duten herrialdeetarako».

Urte eta erdiko lana behar izan dute prototipo hau garatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

HHI Helduen Hezkuntza Iraunkorreko ikastetxea, Tolosan. ©Josu Artutxa / Tolosaldeako Hitza

Gela bat, irakasleak eta egoera askotako ikasleak

June Romatet Ibarguren - Gipuzkoako Hitza

Hiru aste igaro dira Helduen Hezkuntza zentroetan ikasturtea hasi zutenetik, eta Gipuzkoan dauden 30 zentro baino gehiagotan hainbat adin eta jatorritako ikasleak bildu dira berriz ere. Horietako bakoitzak bere arrazoiak ditu eskoletara joateko: adibidez, tituluaren beharra edo etxetik ateratzekoa.

Kilometroak jaia, gaur, Ibarran (Gipuzkoa). ©Gorka Rubio / Foku

«Aro berriko lehen Kilometroak» ospatu dituzte Ibarran

Berria

Eguraldia lagun, jendetza elkartu da Gipuzkoako ikastolen aldeko jaian. Uzturpe Ikastolako patioa egokitzeko erabili nahi dute festan lortutako dirua.

Ekotopaketetako parte hartzaileak, gaur, Portugaleten (Bizkaia). ©Ekotopaketak

«Antolakunde ekologista indartsu bat» eratzeko oinarriak jarri dituzte Ekotopaketetan

Berria

Larrialdi klimatikoaren aurrean indarrak eta borrokak batzea erabaki dute dinamikaren azken egunean, asanbladan. Antolatzaileen arabera, «inflexio puntu bat» izan da asteburua.

Atzo goizean antolatutako bi mahai inguruetako bat. ©M. DEL VALLE/ FOKU

Ekotopaketak: egiturazko makur bat zuzentzeko

Iñigo Astiz

Kapitalismoaren dinamikaren ondorio ekologiko eta ekonomikoak elkarrekin aztertu dituzte Ekotopaketen bigarren eguneko goizeko mahai inguruan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.