Epaile batek espetxeratu egin ditu ostiralean Agurainen (Araba) atxilotu zituzten bi gizonezkoak; 30 urte ditu batak, eta 39 besteak. Senide duten adingabe bati hainbat hilabetez sexu erasoak egitea leporatzen die. Ertzaintzak ez du xehetasun gehiago eman, eraso egin diotena adingabea baita.
El Correo egunkariak zabaldu duenez, ordea, biktimak eta haren amak ostiralean jo zuten komisariara. Haien testigantzak entzun eta gero atxilotu zituzten bi erasotzaileak.
