Albistea entzun

Denboralea

Ibaiek gainezka egin dute Bizkaiko eta Gipuzkoako hainbat lekutan

Nafarroan eta Araban arazoak egon dira errepidean, elurrak eraginda; Urdiñarben, hogei etxe argindarrik gabe egon dira.

Gasteiz

Edu Lartzanguren -

2021eko azaroak 29

Eusko Jaurlaritzako Uholde Arriskurako Plan Bereziaren aholku batzordea bildu da gaur goizean, asteburuko euriteen ondorioz sortu den egoera aztertzeko. Bileraren ostean, Josu Erkoreka lehendakariorde eta Segurtasun sailburuak adierazi du eguraldi iragarpenen arabera datozen orduetan euri gutxiago botako duela, eta, horren ondorioz, 15:00etarako larrialdi plan berezia indargabetu dute. Edonola ere, gaineratu du arroak arreta handiz behatzen jarraituko dutela.

Erkorekak zoriondu egin du babes zibil sistema, «eraginkorra» izan dela iritzita. «Aurreikuspenak zuzenak izan dira, eta emaitza egokia izan da».

Cadagua, Deba eta Urumea. Ibai horiek eragin dituzte kalterik larrienak astelehen goizaldean. Izan ere, gainezka egin dute Balmasedan eta Galdakaon (Bizkaia), eta Mendaron, Hernanin eta Astigarragan (Gipuzkoa).

Bizkaian, Balmasedan auzoak iratzarri dituzte gauean, ibaiaren inguruko aparkaleku batetik autoak eraman zitzaten, Cadagua ibaiak gainezka egin duelako.

Gueñesen ere, arrotik atera da, besteak beste Elubarrin, Santxosolon eta Allende Zelaian, baita Iorgiko erriberan, Ibarran eta Zaramilloko Eretzan ere. Udalak alarma gorria deklaratu du.

Udalak ohar baten bidez jakinarazi duenez, azken orduetan hainbat puntutan atera da ibaia: Santxosolon, Allende Zelaian, Elubarrin eta Sodupen; Iorgiko erriberan, Askatasunan eta Ibarran; La Quadran; eta Zaramilloko Eretza kalean.

Ibaizabalek gainezka egin du hainbat lekutan, besteak beste Muskizen. Hainbat errepide ere moztu behar izan dituzte. Bilbon ere sortu dira arazoak: Zorrotzan, hainbat auto ur azpian geratu dira, Clara Campoamor kalean. Basaurin, hainbat garaje eta dendatan sartu da ura, Ariz inguruan. Arrigorriagan, Arrankundiagan, Boluetan eta Galdakaon ere atera egin da Ibaizabal.

Bilboko hainbat auzotan ur putzu handiak sortu dira. Gauean 28 esku hartze egin behar izan dituzte suhiltzaileek. Olabeaga auzoan, esaterako, autoa Plaza Barrian zuten herritarrek ezin izan dituzte atera, estoldak ezin izan duelako ur guztia irentsi.

Juan Mari Aburto alkateak esan du egoera «hobetzen» ari dela, eta ez duela espero itsasgorak kalte handiagoa eragitea. Izan ere, 12:02an izango da itsasgora Bilbon. Erdi mailakoa izatea espero dute, edonola ere.

Errepidean ere arazo ugari eragin dituzte uholdeek eta luiziek. N-240 errepidea moztuta dago Zeanurin bi norabideetan, eta desbideratzen ari dira.

BI-636 moztu egin du luizi batek 02:30ak aldera, baina goizaldean zabaldu egin dituzte Balmasedarako lerroak. Bilborako norabidekoak garbitzen ari dira.

Muskizko saihesbidea, N-634, moztu egin dute, eta herriaren erdigunera ari dira bideratzen trafikoa.

Arrankudiaga parean arazoak daude BI-625 errepidean, eta baita Bizkaiko bigarren mailako errepideetako hainbat puntutan ere.

Bilbo eta Muzkiz arteko aldirietako trenen zirkulazioa bertan behera utzi du Renfek, aldi baterako.

Gipuzkoan, Oria ibaiak Andoainen gainezka egin du gauean hainbat lekutan: kirol zelaiak ur azpian geratu dira, esaterako. Hernanin ere, kirol zelaiak hartu ditu urak. Urumea ere atera egin da Astigarragan. Urola maila horian dago. Debak Elgoibarren eta Mendaron egin du gainezka. Azken horretan baserri batzuk inkomunikaturik geratu dira, bideak ur azpian geratu direlako.

Nafarroan eta Araban, berriz, elurrak sortu ditu arazoak. Hamar zentimetro elur egin zuen atzo Iruñean, eta horrek traba egin zuen hainbat errepidetan. Elurra urtzen hasi da gauean, eta orain ibaiei begira daude larrialdi zerbitzuak. Zangozan, 13 adingabe eta 4 begirale erreskatatu dituzte suhiltzaileek Getadar aterpetxetik. Asteburu-pasa zeuden han, eta inkomunikaturik eta argindarrik gabe geratu ziren. Belaguan eta Urbasan kateak behar dira. Arabako Lautadan argindarrik gabe egon ziren atzo Opakuan eta inguruko hainbat herritan.

Elurraren ereginez, hainbat mendate itxita daude: Barazar (Bizkaia), Herrera, Opakua eta Orduña (Araba). Horrez gain, hainbat lekutan kontuz ibiltzeko esan dute: A-1ean Araban, eta A-15ean Andoaindik Berastegiraino, esaterako.

Urdiñarben (Zuberoa) hogei bat etxe argindarrik gabe egon dira asteburuan, elurrak argi poste bat bota duelako. Pirinioetan kontuz ibiltzeko eskatu dute, elur jauziak gertatzeko arriskua dagoelako. Gaurko 14:00ak arte iraungo du larrialdi laranjak.

Euskalmeteko arduradunek esan dute okerrena iragan dela dagoeneko, datozen orduetan euri gutxiago egingo duela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Anbulantzia bat, Donostian. / ©Gorka Rubio, Foku

Gaitza pasatu dutenei hirugarren dosia bost hilabeteren buruan jartzeko gomendatu die orain Espainiako Osasun Batzordeak

Berria

Espainiako Osasun Ministerioak irizpidea aldatu du: urtarrilaren hasieran, lau aste nahikoa zirela esan zuen.

Barakaldon atzo indarkeria matxistaren aurka eginiko protesta bat. ©Marisol Ramirez / Foku

71 urteko gizon bat atxilotu dute Sopelan, etxeko langile bati sexu erasoa egitea leporatuta

Berria

Gizonezkoak duela gutxi kontratatua zuen langilea; aske utzi dute, karguekin, eta emakumearengandik urruntzeko agindua ezarri diote.

Carmen Maeztu, erdian, aurreko agerraldi batean. / ©Iñigo Uriz, Foku

Maeztuk tutoretzapeko gazteen inguruko «polemika» bideratu nahi du

Iosu Alberdi

Enrique Maia Iruñeko alkatearekin bildu da Nafarroako Eskubide Sozialen kontseilaria. «Existitu beharko ez litzatekeen polemika hori» bideratzeko beharra nabarmendu du.

Haur batzuk futbolean, artxiboko irudian ©monika del valle / foku

Eusko Jaurlaritzak eskola kirola baimendu du

Irati Urdalleta Lete

Asteburu honetan, umeek eskola kiroleko lehiaketak egiteko aukera izango dute berriz ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.