Albistea entzun

Errege Magoen desfileei eutsiko diete Iruñean eta Donostian

Iruñean, «ekitaldia aire zabalean denez», adierazi dute herritarrek erabaki beharko dutela bertaratu edo ez. Donostian, ehun lagun inguruk hartuko dute parte, eta kilometro bat luzatu dute ibilbidea. Danborrada ospatu edo ez urtarrilaren 7an erabakiko dute.

Errege Magoak Gasteizko tren geltokian, 2020an.
Errege Magoak Gasteizko tren geltokian, 2020an. Jaizki Fontaneda / Foku Tamaina handiagoan ikusi

Paulo Ostolaza -

2022ko urtarrilak 3

Joan den astean, neurri murriztaileak iragarri zituztenean, batek baino gehiagok galdetu zien Eusko Jaurlaritzari eta Nafarroako Gobernuari: Errege Magoen desfileak egin daitezke? Bada, hiriburuetan hasi dira zalantzak argitzen: Iruñean eta Donostian, behintzat, egin egingo dituzte.

Iruñean, Errege Magoen Desfilea erakundeak gaur iragarri du aurreikusi bezala jarraitzea erabaki duela. Azaldu dute aire zabalean egiten den ekitaldi bat dela, eta herritarrek erabaki beharko dutela bertara joan edo telebista bidez ikusi: «Lehentasuna parte hartzaileen osasuna bermatzea izan da une oro, baita legeak errespetatzea ere».

Azken asteetan hainbat erakunderen eta adituren iritziak bildu dituztela azaldu dute: «Profesionalei entzun diegu, zientzialariei, baita gure bazkideei ere; eta, noski, herritarrak ere kontuan izan ditugu». Dena den, lehentasuna «Iruñeko haurren ilusioari» eman diote, eta, beraz, ospakizuna egitea erabaki dute.

Donostian, berriz, Jon Insausti Kultura zinegotziak gaur jakinarazi du aldaketak izango direla aurtengo desfilean, baina egin egingo dutela. Besteak beste, maskara jantzita eduki beharko dute une oro parte hartzaile guztiek, ibilbidea kilometro bat luzatuko dute, eta gozokiak banatuko dituzte, baina ez jaurti. Parte hartzaileen kopurua ere murriztu dute, ehun lagun ingurura. Iaz ez zen desfilerik egin Donostian.

Insaustiren hitzetan, «Udalak badu haurren artean ilusio eta poz apur bat zabaltzeko eginbeharra». Errege Magoak goizeko hamar eta erdiak aldera iritsiko dira Aietera, eta gero hirian zehar ibiliko dira, auto klasiko batean. Haurren gutunak arratsaldeko hiru eta erdietatik seietara jasoko dituzte, udaletxearen parean.

Danborrada bai edo ez?

Kultura zinegotziak danborradaz ere hitz egin du gaurko agerraldian. Donostiako Udaleko eta danborradako arduradunak hilaren 7an bilduko dira —hasieran, 10ean bilduko zirela esan dute—, urtarrilaren 20an San Sebastian eguna ospatu edo ez erabakitzeko. Insaustik azaldu du udala «borrokaz borroka» doala ospakizunen gaiarekin.

Adierazi du kontuan izango dituztela pandemiaren inguruko datuak eta neurriak, baina baita «festa horren alderdi sentimentala» ere.

Gasteiz eta Bilbo

Gasteizen ere Errege Magoen desfilea egiteko asmoa du Udalak. Joan den ostegunean, iragarri zuten ibilbidea moldatuko dutela erdialdetik urrundu eta kale zabalagoetan zehar ibiltzeko: «Aldaketa horiek modua emango dute segurtasun neurriak bete ahal izateko». Gehitu zuten ez dutela gozokirik botako, eta gogorarazi maskara erabiltzea nahitaezkoa dela une oro.

Horretaz gain, udalak Errege Magoen bideo bat zabaldu du gaur, non Erregeek haurrei esaten dieten Gasteizera bidean direla, iazko hutsa bete nahian.

Bilbon, berriz, udalak abenduaren erdialdean jakinarazi zuen ez dela ez Olentzero eta Mari Domingiren desfilerik eta ez Errege Magoenik izango. Horien ordez, musikal batzuk programatu zituzten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñigo Urkullu lehendakaria, atzo, Eusko Legebiltzarrera sartzen. ©RAUL BOGAJO / FOKU

Jaurlaritzak 200 euro emango ditu hilero haur bakoitzeko, umeek 3 urte bete arte

Jone Arruabarrena

Demografiari buruzko bilkura monografikoa egin dute Eusko Legebiltzarrean. Arlo pribatuan ere amatasun eta aitatasun baimenak hemezortzi astekoak izatea eskatu dute

Uemak arnasguneetako barne garapena sustatzeko neurriak eskatu ditu

Olatz Enzunza Mallona

Hizkuntza politikaren ikuspegitik estrategia demografikoa «giltzarria» dela dio Uemak, eta euskara horietan txertatzeko ekarpenak egin ditu
 ©IÑIGO URIZ / FOKU

«Erru gutxiago behar dugu, eta oxigeno gehiago»

Julen Aperribai

Euskararen patuaz kezka duen orok, hots, mundu justuago baten ikuskera duten guztiek etziko mobilizazioa bere egitea nahi dute Agirrek eta Garaikoetxeak.
 ©IDOIA ZABALETA / @FOKU

Feministak sanferminetako sexu erasoen aurkako mahaitik altxatu dira

Ion Orzaiz

Indarkeria Sexistaren Aurkako Emakumeen Plataformak salatu du Maia alkateak «edukiz hustu» duela sexu indarkeriaren aurkako kanpaina

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.