Albistea entzun

Lan erreforma

ELAk eta LABek lan erreformaren aurkako manifestazioetara deitu dute hilaren 30erako

Mobilizazioak antolatu dituzte Hego Euskal Herriko hiriburuetan, eta, ezusteko handirik ezean, ez da greba orokorrik egingo. Galizian eta Katalunian ere egingo dira mobilizazioak

Urtarrilaren 30eko manifestazioa deitu duten sindikatuetako ordekzariak, gaur, Bilbon.
Urtarrilaren 30eko manifestazioa deitu duten sindikatuetako ordekzariak, gaur, Bilbon. Monika Del Valle / FOKU Tamaina handiagoan ikusi

Imanol Magro Eizmendi -

2022ko urtarrilak 17 13:42

Manifestazio handiak bai, baina greba orokorrik ez. Ez behintzat ezusteko handirik ezean. ELA, LAB, ESK, Hiru eta Etxalde sindikatuek lan erreformaren aurkako mobilizazioetara deitu dute hilaren 30eko eguerdirako (12:00). Egun horretan bertan Katalunian eta Galizian egingo diren manifestazioekin bat egingo dute, Espainiako Parlamentuan ordezkaritza duten «alderdi subiranistei» erreforma ez babesteko eskatuko dietelako. Legearen bozketaren bezperan ere egingo dituzte kontzentrazioak. Hori bai, ondo bidean, greba orokorrik ez. Are gehiago, ELAk eta LABek ez dute argibiderik eman hura antolatzeko aukera eta negoziazioen inguruan.

Euskal Herriko gehiengo sindikalak uste du badagoela lan erreforma atzera bota edo aldaketa garrantzitsuak egiteko aukera. Hura onartzeko epea otsailaren 7an amaituko da, eta astebete lehenago saiatuko dira azken estualdia ematen. ELAk eta LAB batasun irudia berreskuratzen saiatu dira deialdi bateratua egiteko, baina haren aurkezpen ekitaldian agerian gelditu da grebaren inguruko jarrera ezberdinak dituztela. Mahaian Mitxel Lakuntza ELAko idazkari nagusia eta Garbiñe Aranburu LABekoa egon arren, greba deialdiari buruzko galderak Nagore Landa Steilaseko ordezkariak erantzun ditu: «Gaur erreformaren inguruan eta mobilizazioei buruz hitz egitera etorri gara». Baztertua dago greba orokorra? «Greba erreminta bat da. Ikusiko dugu».

30eko mobilizazioetara Galiziako eta Kataluniako hainbat sindikaturekin batera deitu dute, eta bi eskakizun zehatz egingo dituzte: kaleratzeak zailtzea eta inor kaleratzekotan 45 eguneko kalte ordaina berreskuratzea, eta Euskal Herri mailako eta probintzia mailako lan itunek lehentasuna izatea. Lakuntzak azken eskaera horren inguruan dauden zalantzak argitu ditu: «Euskal Herriko itunak Espainiakoaren aurretik daudela diote, baina ez dago horren bermerik, eta Confebaskeko zerbitzu juridikoek badakite hori. Lanbide arteko 2017ko akordioak gabezia batzuk dauzka, eta gabezia horietatik datoz segurtasun juridikotik. Hemen akordio bat egon da, baina guk beti esan dugu: norbaitek erabakitzen badu epaitegietara jotzea, arriskuan jartzen du akordioa. Berme juridikoa nahi dugu, eta egun eztabaida badago, horregatik dago, berme hori ez delako sartu erreforman».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñaki Arrizabalaga Europako Batasuneko Funtsen arduradun nagusia Nafarroako Gobernuan eta Elma Saiz Ekonomia eta Ogasun kontseilaria, gaur, Parlamentuan ©Foku

Europako Batasunetik 365 milioi jasoko ditu Nafarroako Gobernuak

Joxerra Senar

Gobernuaren kontrolpean 97 proiektu daudela zehaztu du Elma Saiz Ekonomia eta Ogasun kontseilariak, parlamentuan

Donostiako Ospitaleko langile batzuk greba egun bateko afixak itsasten. ©Jon Urbe / FOKU

ELA: «Gobernuak legea urratzeko prest daude zerbitzu publikoekin negozioa egiteko»

Imanol Magro Eizmendi

Sindikatuaren kalkuluen arabera, Eusko Jaurlaritzak eta Nafarroako Gobernuak egonkortze prozesuetatik kanpo utziko dituzte behin-behineko langile publikoen hiru laurdenak.

Ursula von der Leyen Europako Batzordeko lehendakaria, gaur, Bruselan. ©STEPHANIE LECOCQ / Efe

EBk 210.000 milioi beharko ditu Errusiaren hidrokarburoekiko lotura hausteko

Iker Aranburu

Energia berriztagarrien pisua %45era handitu nahi du 2030erako. Inbertsio handiak bizkortzea da bide bat, eta 2030erako eraikin guztien teilatuetan plaka fotovoltaikoak egotea bestea.

Milaka lagun bildu dira manifestazioan. ©Raul Bogajo/ FOKU

Sindikatuek giharra erakutsi dute Arabako metaleko lehen greba egunean

Unai Etxenausia

ELA, LAB, CCOO, USO, ESK eta CGT sindikatuek deituta, hiru greba egunetatik lehena dute gaur sektorean. Arrakastatsua izan dela adierazi dute: «historikoa». Datorren asteartean eta ostegunean ere egingo dituzte lanuzteak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.