Berrizko (Bizkaia) Sarrimendi mendiaren tontorrean zegoen Txistularia eskultura lapurtu dutela salatu dute mendizale batzuek. Irudia 1990eko maiatzaren 27an jarri zuten Bizkaiko mendi horretan, eta Josu Maortua Zaldibarko bizilagunak sortu zuen.
Alejandro Aldekoa Txistularia-ren oroimenez jarritako obra horrek eskola kirolaren mendiko diziplina ere omentzen zuen, inguruko mendi taldeek sare sozialetan jakinarazi dutenez. Mendiko taldeek «lotsagarritzat eta penagarritzat» jo dute lapurreta, eta eskultura zegoen harriaren irudiak zabaldu dituzte. Bertan, Txistularia-ren irudia moztu egin dutela ikusten da.
