Greba eguna dute gaur Bizkaiko zahar etxeetako langileek, ELA eta LAB sindikatuek deituta. Besteak beste, eserialdiak egin dituzte, eta haien lan baldintzak hobetzeko Bizkaiko Foru Aldundiaren inplikazioa eskatu dute. ELAk, esaterako, Aldundia erakusten ari den «arduragabetasun larria» salatu du; adierazi duenez, Diputazioak «ez du bere gain hartzen» berezkoa duen ardura.
📢📢📢Bizkaiko zahar-egoitzetako langileek protestak egin dituzte Deustuko zubian eta Gizarte Ekintzaren egoitzan hirugarren greba eguneanhttps://t.co/nT7CufeEwLpic.twitter.com/GW8pFzQUIw
— ELA sindikatua #AktibatuLortuZaindu (@ELAsindikatua) March 17, 2022
ELAk deitu duen hirugarren greba eguna da, eta eserialdia egin dute 11:30ean, Deustuko zubian; zenbait aldarrikapen ere zintzilikatu dituzte bertan. Horrekin batera, Gesca, Lares eta Elbe patronalek erakutsitako «interes faltari buruz» aritu dira: «Patronalek ez dute zerbitzuaren, enplegu baldintzen eta ratioaren hobekuntzaren alde apusturik egin nahi». Horrez gain, Bilboko Ugasko plazan, Gizarte Ekintzaren egoitzan, zaintza ereduaren «erabateko aldaketa» eskatu dute langileek. Besteak beste, enpleguaren egonkortasuna eta langileen presako kontratazioa eskatu dizkiote Bizkaiko Foru Aldundiari.
LABek, berriz, eserialdia egin du Bizkaiko Foru Aldundiaren aurrean, eta hitzarmenaren negoziazioa desblokeatzeko eskatu dio. Izan ere, sindikatuaren ustez, aldundiaren inplikazioa «ezinbestekoa» da gatazka konpontzeko. Hori horrela, langileen lan baldintzak sektore publikokoekin parekatzea eta egungo ratioa lehenbailehen berrikustea eskatu du LABek.
Eserialdia egin dugu Bizkaiko Aldundiaren aurrean, adinekoen egoitzetako gatazkan foru erakundearen inplikazioa eskatzeko
— LAB SINDIKATUA (@LABsindikatua) March 17, 2022
Greba eguna dugu gaur#EgoitzakBorrokan#FuntsezkoakBeti
👇👇👇https://t.co/N52b41oRQupic.twitter.com/idR6GZZEEg
