Irungo Udaltzaingoak jakinarazi duenez, 39 urteko gizon bat hil zen atzo Irunen (Gipuzkoa) izandako auto istripu batean. Zehazki, Errotaren errepidean gertatu zen ezbeharra, iluntzean. Autoa bidetik atera zen, eta ondoan zen murru bat jo zuen, indar handiz. Ondorioz, ibilgailua errepidearen beste aldera joan zen, errebotean, eta beste horma bat jo. Industrialde baten ondoan gertatu zen istripua.
Emandako informazioaren arabera, bidaiarietako bat orduantxe zendu zen. Gidaria, berriz, larriki zauriturik eraman zuten erietxera. Donostia ospitalean da, arta hartzeko.