Gaur goizean Barakaldoko Udaltzaingoarengandik ihesi zihoan gizon bat hil da Bilbon. Eusko Jaurlaritzako Segurtasun Sailaren arabera, Polizia 07:00ak aldera hasi da hari jarraitzen, «modu susmagarrian» gidatzen ari zelako. Haren atzetik joan dira Bilboko Abusu auzoraino; han, autotik irten da gizona, eta Ibaizabalera salto egin du. Ibaian ito da.
Suhiltzaileek 08:00ak aldera atera dute gorpua uretatik. Ikerketa zabaldu dute.
