Segurtasun Sailak jakinarazi duenez, motorzale bat hil da astelehen honetan Abadiño (Bizkaia) zeharkatzen duen N-634 errepidean gertatutako istripu batean. Ezbeharra goizaldean gertatu da, 01:00ak aldera, Matienako biribilgunearen parean.
Durangoko (Bizkaia) noranzkoan zihoala, motorra bidetik irten da bat-batean; oraindik ez da argitu zer dela eta. Lesioen ondorioz, istripua izan orduko hil da gidaria. Ertzaintza gertaera ikertzen ari da.
