Albistea entzun

Salaketa

Hendaiako jatetxe bateko jabea epaituko dute beloa zeraman emakume bati sartzea ukatzeagatik

Sare sozialetan bolo-bolo zabaldu da emakumearen semeak grabaturiko bideoa. Bere jatetxean «historiaurrean bezala jantzita» sartu nahi izatea leporatu zion ostalariak.

Emakume batzuk, hijab edo buruko zapiarekin.
Emakume batzuk, hijab edo buruko zapiarekin. ZURAB KURTSIKIDZE / EFE Tamaina handiagoan ikusi

Edu Lartzanguren -

2022ko ekainak 2

Baionako epaitegira eraman dute gaur Hendaiako (Lapurdi) jatetxe bateko jabea, «erlijioan oinarrituriko diskriminazioa» leporatuta.

Joan zen igandean, Lapurdiko herriko hondartzako pasealekuko jatetxean, emakume bati sartzea galarazi zion, haren jantziarengatik. Izan ere, emakumeak beloa zeraman jantzita.

Emakumearen seme Nabil Allaouik grabaturiko bideoa bolo-bolo ibili da sare sozialetan. Jatetxeko jabea ageri da, amari eta semeari azaltzen ezin zirela sartu «historiaurrean bezala jantzita».

Ostalariak, gurutze handi bat lepotik zintzilik. «Zuk hori emateko eskubidea baduzu, zer arazo dago beste horrekin?» galdetzen dio semeak, beloa seinalatuta. Allaouik azaldu du lekua hartua zutela jatetxean, aurreko astetik.

Baionako auzitegian, fiskaltzak eskatu du ostalaria auzitara eramatea, eta epaiketa irailaren 20an egitea erabaki dute. Halako delituengatik bost urteko kartzela zigorra eta isun bat ezar dezakete epaitegiek. France Bleue Pays Basque irratiak zabaldu duenez, ostalaria egon da lehen ere halako gertaeratan nahastuta, baina ez dute inoiz epaitegietan salatu.

Amandine Boyer prokuradore ordezkoak esan duenez, «halako diskriminazio kasuak frogatzea oso zaila izaten da normalean, baina oraingo honetan oinarri sendoa dagoela ematen du».

Bideoan ez da ikusten nolakoa den emakumearen beloa, baina, Allaouik Sud Ouest egunkariari azaldu dionez, ez zen «oso nabarmena»: aurpegiaren inguruan loturiko zapi bat besterik ez, ezer ezkutatzen ez zuena.

Salaturiko ostalariak ere azalpenak eman ditu hedabide berean: «Erlijioa bada ere, ez dut onartzen emakumearen menpekotasunaren tresna eman dezakeen ezer. Neure etxera nahi duena etortzen da, baina askatasun osoz. Emakumeak beloa kendu nahi zuen, baina semeak esan du ezetz».

Parisek 2010eko urrian ezarritako legearen arabera, debekatuta dago jendaurrean aurpegia ezkutatzeko janztea. Halere, aurpegia estaltzen ez duen zapia —hijaba— eramatea baimenduta dago, ez bada ikastetxeetan. Hor ere, bestelako ikur erlijiosoak galarazita daude, tartean sikhen turbanteak, juduen kippak eta gurutze kristau handiak.

Allaouik zabalduriko bideoan, jatetxeari boikot egiteko dei egiten du, eta ostatuak ehunka balorazio txar izan ditu Interneten.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Bilbon eguerdian egindako manifestazioa jendetsua izan da. ©MARISOL RAMIREZ / FOKU

Sindikatuen arabera, hezkuntzako greban %60ko parte hartzea izan da

Irati Urdalleta Lete Gotzon Hermosilla

Jaurlaritzak, berriz, esan du irakasleen %35,2k egin dutela greba. Langileek hezkuntza legearen aurreproiektuaren kontra egin dute, eta «hezkuntza publiko, propio eta euskalduna» aldarrikatu
Aritzetako zerbitzugune batean bota dituzte hondakinak. ©MAIALEN ANDRES / FOKU

AP-8ko zaborrak urteetan bota dituzte Usurbilgo mendialde batean, baimenik gabe

Iñaki Petxarroman Jone Arruabarrena

Kontratuaren baldintzak ez betetzea, lan baldintzei eta naturari kalte egitea, eta azpikontratetan ezkutatzea egotzi die ELAk Bidelan osatzen duten Transitia eta Campezori
Zenbait aplikazio eta streaming plataforma, artxiboko irudi batean. ©BERRIA

Euskara, pantailetan lauso

Irati Urdalleta Lete

Euskara bazterrean dago pantailetan ere: esaterako, Pantailak Euskaraz taldeak emandako datuen arabera, streaming plataformetako 26.000 edukitatik %0,1 ere ez daude hizkuntza horretan. Eskatu du legez arautzeko euskarak pantailetan izan behar duen presentzia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.