Albistea entzun
Emakumeen aurkako indarkeriari ez
Emakumeen aurkako indarkeriari ez

Langile publikoak

Gipuzkoako Aldundiak baliogabetu egin ditu funtzionarioen erretiro sari gehigarriak

Espainiako Auzitegi Gorenaren ebazpenetan oinarrituta, diputazioak «legez kanpokotzat» jo ditu erretiroa aurreratzeagatik orain arte eman dituen konpentsazioak.

Bizkaiko Foru Aldundiko funtzionarioek astearte honeta eginiko protesta
Bizkaiko Foru Aldundiko funtzionarioek astearte honeta eginiko protesta Monika del Valle (Foku) Tamaina handiagoan ikusi

Jokin Sagarzazu -

2022ko uztailak 5

Erretiroa aurreratzen duten Gipuzkoako Aldundiko funtzionarioek ez dute sari gehigarririk jasoko. Eider Mendoza bozeramailearen arabera, Espainiako Auzitegi Gorenak «behin eta berriz» adierazi du sari horiek ez dutela legezko babesik eta justifikaziorik, eta nabarmendu du administrazioek bete egin behar dituztela epai horiek: «Ez dago beste aukerarik. Jurisprudentzia alde batera uzteak prebarikazioa edo funts publikoak bidegabe erabiltzea ekarriko luke».

EAEko 1989ko Funtzio Publikoaren Legeak sari gehigarri horiek emateko aukera ematen die administrazioei, lan hitzarmen propioak negoziatzeko aukera aitortzen baitie. Horren bitartez konpentsatu nahi da tokiko erakundeetako funtzionarioek txandakako kontratuak lortzeko eskubiderik ez izatea. Hala, erretiro aurreratua hartzen dutenek eskubidea dute sari gehigarria jasotzeko, ordainketa bakarrean, kasu batzuetan pentsioaren %100 jaso zein ez; Gipuzkoako Aldundiko funtzionarioen kasuan, adibidez, konpentsazioa gehienez 40.000 eurokoa izan zitekeen.

Gipuzkoako Foru Aldundia da neurria indargabetu duen lehen euskal erakundea, eta Bizkaiko Aldundiak eta udal batzuek gauza bera egiteko asmoa agertu dute. Adibidez, Donostiako Udaleko bozeramaileen batzordeak sari gehigarriak indargabetzeari oniritzia eman dio astearte honetan.

Aurreko astean, Gipuzkoako Aldundiko 250 bat funtzionariok protesta egin zuten diputazioaren egoitzan, eta diputatuen bulegoak dauden solairua okupatu zuten tarte batez. Astearte honetan, berriz, Bizkaiko Aldundiko 200 bat langile mobilizatu dira. Aldundiak sindikatuei jakinarazi berri die Giza Baliabideen Plan Estrategikoari lotutako kalte ordainak indargabetzeko asmoa duela, eta, hala, kendu egingo dituela erretiro aurreratuen, uko egitearen eta eszedentzia pizgarridunaren, ezintasunen eta txanda kontratuaren kalte ordainak.

Sindikatuen arabera, Auzitegi Gorenak ez du jurisprudentzia «zehatza» ezarri, eta salatu dute neurria indargabetu duten erakundeek ez dietela txosten juridikorik aurkeztu. ELAk salatu du diputazioak ez direla autogobernua defendatzen ari eta Espainiako auzitegiek hartutako erabakiak «aitzakia» gisa erabiltzen ari direla «murrizketa gehiago ezartzeko».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Lan ikuskari bat lantegi batera eginiko bisitan. ©BERRIA

IKUSKARIAK, TANTAKA

Imanol Magro Eizmendi

Zenbait lan ikuskari berri iritsi dira Hego Euskal Herrira espedienteen azken lekualdatze kanpainan, baina oraindik hutsuneak daude betetzeko. Adituen ustez, bi dira arrazoiak: hautaproba gogorra eta baldintzak; batez ere, Nafarroan.
 ©JAIZKI FONTANEDA / FOKU

«Berriztagarrien burbuilak eztanda egingo du aurki»

Jokin Sagarzazu

Iberdrolaren bilakaeran oinarrituta, gaur egungo energia krisiaren gakoak aztertu ditu Oriol Mallok, eta ondorio batera iritsi da: trantsizio berdea «gutxi batzuentzat» da, eta ondorio ekonomiko larriak izango ditu.
Merkataritzako langileak greban, Donostiako San Martin merkatal zentroan. ©Maialen Andres / FOKU.

Merkataritzako langileek greba egin dute gaur Bizkaian eta Gipuzkoan

Iñaut Matauko Rada

Soldatak KPIaren arabera igotzeko eta igande eta jaiegunetan lanik ez izateko eskatu dute. Salatu dute sektoreko langile asko eta asko lanaldi partzialean ari direla.

 ©RAUL BOGAJO / @FOKU

Lan itunaren aurkakoek egoera irauli dute Mercedesen, eta argi irabazi

Aitor Biain

ELAk bederatzi ordezkari eskuratu ditu, aurretik baino bi gehiago, eta UGTri hiruren aldea ateratzen dio orain. LAB eta ESK sindikatuek ere ordezkari bana irabazi dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.