Albistea entzun
Emakumeen aurkako indarkeriari ez
Emakumeen aurkako indarkeriari ez

Osasuna 2-1 Rayo

Osasunak azken unean sartu du garaipenaren gola

Ez Abde debutariaren jokaldi eder bati esker sartu du gol erabakigarria Ruben Garciak, 89. minutuan. Etxean hirutik hiru irabazi ditu Osasunak.

Ruben Garcia, gaur, bere gola ospatzen.
Ruben Garcia, gaur, bere gola ospatzen. Jesus Diges / EFE Tamaina handiagoan ikusi

Berria -

2022ko irailak 4

Sadarren garaiezin izaten jarraitzen du Osasunak. Jagoba Arrasateren taldeak hiru neurketa jokatu ditu etxean, eta hirurak irabazi ditu. Gaur, ondo sufrituta: azken unean Ez Abde debutariak egindako jokaldi zoragarri bati esker sartu du garaipenaren gola Ruben Garciak. Aurrez, Aimar Orozek sartu du gorritxoen lehen gola.

Lehen zatian bi taldeek izan dituzte golerako aukerak. Osasunak izan du baloi jabetza, neurketa kontrolpean ere bai ia une oro, baina Sergio Herrerak izan du lana. Ez, ordea, Dimitrivskik bezainbeste; aukera garbiak izan dituzte Aimar Orozek eta Chimy Avilak. 0-0.

Lehenengoan ez, baina bigarrenean asmatu du harrobiko jokalariak: zelairatu berri zen Brasanacen pase bikain bat baliatu du Osasunaren lehen gola egiteko. 55. minutua zen.

Jarraian estutzen hasi da Rayo; lehenik, Nacho Vidalek egindako penalti bat eskatuz, eta, gero, gola sartuz. Faltaz sartu du Lejeunek, iaz Alavesen jokatzen zuen atzelariak, 74. minutuan.

80. minutuan egin du zelaira salto Ez Abdek, Bartzelonatik utzita iritsi berri den jokalariak, eta erabakigarria izan da Arrasateren erabakia. Gaztearen jokaldi gogoangarri batek erabaki du neurketa, 89. minutuan.

Gaurko garaipenari esker, bederatzi puntu ditu Osasunak; lau jardunalditan hiru garaipen eta porrot bat eskuratu ditu.

Osasuna: Herrera; Vidal, Juan Cruz, David Garcia, Unai Garcia; Moncayola (Pablo Ibañez, 80'), Torro (Brasanac, 51'), Moi Gomez (Kike Garcia, 80'), Chimy Avila (Ruben Garcia, 71'), Aimar Oroz; eta Budimir (Abde, 80').

Rayo: Dimitrievski; Fran Garcia (Chavarria, 90'), Lejeune, Catena, Balliu; Ciss, Trejo, Salvi (Isi, 45'), Valentin (Comesaña, 71'), Alvaro Garcia; eta Camello (Falcao, 80').

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©RONALD WITTEK / EFE

Qatar, potentzia izan nahi zuen emirerri txikia

Ricard Gonzalez

Diktadura absolutista bat ezarria dute Qatarren. Oso azkar garatu da azken urteetan, atzerriko langileen esplotazioari esker. Anbizio handia du nazioartean.
Antoine Griezmann eta Kylian Mbappe, Frantziaren atzoko partidako bi izarrak, irribarrez elkarri eskua ematen. ©JOSE SENA GOULAO / EFE

Hautagaitza aurkeztuz

Beñat Mujika Telleria

Frantziak partida ederra egin du Danimarkaren aurka, baina nahi baino gehiago sufritu du azkenerako. Argentinak lehen jardunaldiko arantza atera du
Thomas Mueller Alemaniako aurrelaria, Hansi Flick hautatzaileari bostekoa ematen Japoniaren aurkako partidan. ©RUNGROJ YONGRIT / EFE

Garai batekoen aldean, antzu

Eñaut Agirrebengoa

Gaur egungo aurrelaririk ez dago Munduko Kopako golegile nagusien artean. Orain arte, soilik Thomas Muellerrek gainditu du hamar goleko langa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...