Ertzaintza Donostiako Gros auzoan etxe bat okupatu duten bi pertsona kanporatzeko operazioa egiten hasi da 15:30 aldera. Azora putre funtsak erositako etxean sartu dira okupatzaileak, eta 20 bat herritar bildu dira haiei sostengua emateko.
Hemen aurreko bideoa, horizontalean. pic.twitter.com/B8oVkjeCJR
— Beñat Parra Rguez. (@ParraBenat) November 2, 2022
Hainbat ertzain etxebizitzan zeudenekin hitz egitera igo dira, eta kalean bilduriko herritarretako bat identifikatu dute, argazkiak egiten ari zelakoan.
Atariaren aurrean elkarretaratu dira berriz ere herritarrak.@irutxulo@SaretxeGpic.twitter.com/69P7HTNOhx
— Beñat Parra Rguez. (@ParraBenat) November 2, 2022
Ondoren, Ertzainek istiluetan erabiltzen dituzten kaskoak eta ezkutuak jantzi dituzte, herritarrak jarrera baketsuan bazeuden ere. Gero, herritarren kontra jo dute ertzainek, borrekin. Irutxuloko Hitza kazetako berriemaile bat ere kolpatu dute, borraz.
Kaleratu dituzte dagoeneko herritarrak. Etxebizitzan zegoenetako baten azaldu duenez, atea indarrez bota dute, lurrera bota dituzte beraiek ere eta orain arte izan dituzte hor.@irutxulo@SaretxeGpic.twitter.com/EokmLq70eH
— Beñat Parra Rguez. (@ParraBenat) November 2, 2022
Azkenean, 16:30 aldera kaleratu dituzte etxebizitzan zeudenak.
Azora funtsak eskatuta, hainbat desjabetze eta kaleratze egin ditu Ertzaintzak azken hilabeteotan.
Martxoaren 16an, ondasunak jasotzeko tarterik utzi gabe kaleratu zituzten Ategorrieta auzoko etxebizitza bateko bi maizterrak. Tentsio uneak bizi izan ziren orduan ere, eta pertsona bat atxilotu zuten. Rosa Garcia Kaleratzeak Stop plataformako ordezkariak orduan esan zuenez, Azora bera zen etxegabetzearen «errudun bakarra». Donostiako Udalari galdegin zion Azora erakunde non grata izendatzeko.
Orduan ohartarazi zuten Azoraren beste hamar bat maizter ere arriskuan zeudela.
