Euskal Herriak bizi duen «krisialdiari» aurre egiteko «olatu herritarra» altxatu du gaur arratsaldean EH Bilduk Bilboko kaleetan. Abante! Euskal Olatua Geldiezina leloa hartuta, milaka lagunek bat egin dute koalizioak deitutako manifestazioarekin. Koalizioak emandako datuen arabera, 40.000 lagunetik gora bildu dira. 17:30ean abiatu da Bilboko Casilla plazatik, eta udaletxe ondoan amaitu da.
Abian da manifestazioa Autonomia kaletik @berria#ABANTE#GELDIEZINAKpic.twitter.com/SjsP3iCf5z
— Gotzon Hermosilla (@GotzonH) November 12, 2022
Euskal olatua geldiezina zioen pankartaren atzean koalizio subiranistaren ordezkaritza zabala egon da: Mertxe Aizpurua, Juan Karlos Izagirre, Bakartxo Ruiz, Iker Casanova, Maria del Rio, Laura Aznal, Arnaldo Otegi, Maddalen Iriarte, Rocio Vitero, Unai Urruzuno, Joseba Asiron eta Eva Lopez de Arroiabe. Manifestazioarekin bat egin dute nazioarteko hainbat ordezkarik ere, besteak beste, ERC, CUP. BNG. Ahora Canarias, Mes por Menorca, Mes por Mallorca, Andecha Asture, Puyalon eta ER-PVk.
Zabalburura iritsitakoan, "olatu erraldoia" irudikatu dute argiekin @berria#ABANTE#GELDIEZINAKpic.twitter.com/cIA1MP0CWg
— Gotzon Hermosilla (@GotzonH) November 12, 2022
Haiekin batera, Euskal Herri osotik milaka lagun batu dira manifestaziora. Antolatzaileen arabera, 60 autobus inguru iritsi dira Bilbora Euskal Herriko txoko ugaritatik.
Manifestazioa Zabalburutik @berria#ABANTE#GELDIEZINAKpic.twitter.com/TUtjVD2i8N
— Gotzon Hermosilla (@GotzonH) November 12, 2022
Arnaldo Otegi EH Bilduko koordinatzaile nagusiak hitza hartu du manifestazioaren amaieran, udaletxe parean.
Otegi ari da amaierako ekitaldian. *Kapitalismo basatia, neoliberalismoa eta eliteen erabakiak* egin ditu krisiaren arduradun @berriapic.twitter.com/9eV0DIyOGt
— Gotzon Hermosilla (@GotzonH) November 12, 2022
