Iruñeko Udaltzaingoak gizon bat atxilotu du 12 urteko neska bati eraso egiteagatik. Arrotxapea auzoko etxe batean gertatu zen erasoa, igande goizaldean. Gertatutakoaren berri izan bezain pronto, Polizia etxebizitzara joan zen, eta erasotzailea atxilotu zuen. Gaur geldituko da epailearen esku.
Gasteizen, berriz, 59 urteko gizon bat atxilotu zuten larunbatean. Emazteari eraso egin zion, eta, jarraian, emakumea leihotik botatzen saiatu zen. Biktimak etxetik ihes egitea lortu zuen, eta Poliziak etxeko atarian topatu zuen. Erasotzailea etxean bertan atxilotu zuten, eta urruntze agindua jarri diote.