Albistea entzun

Politika

Ino Galparsoro Arrasateko alkatea kartzelatzeko agindu du Garzonek

Ino Galparsoro Arrasateko alkateari baldintza gabeko espetxe zigorra ezarri dio Baltasar Garzon Espainiako Auzitegi Nazionaleko epaileak, ANVren jarduerak eteteko agindua urratu izana eta desobedientzia delitua leporatuta. Ino Galparsoro deklaratzen zegoen bitartean, Espainiako Poliziak Arrasateko udaletzea miatu du, Garzon epailearen aginduz.

Berria -

2008ko apirilak 30
Fiskaltzak eta AVTk eta Dignidad y Justicia elkarteek ordezkatutako akusazio partikularrek Ino Galparsoro Arrasateko alkatea (EAE-ANV) espetxeratzeko eskatu dute arratsaldean, "erakunde terroristari laguntzea" egotzita. Fiskaltzak uste du "erakunde terroristari" lagundu diola, agindu judiziala desobeditu duela, eta Garzon epaileak otsailaren 8an agindutako ANVren jardueren etetea urratu duela. "ETAri geratzen zaion ahots instituzionala" dela esan du Dolores Delgado fiskalak. Epaileak erabakia hartu bitartean Auzitegi Nazionaleko ziegetan izan dute Galparsoro atxilotuta Hain zuzen ere, Baltasar Garzonek abiatu du Galparsororen kontrako auzia. Delaratzera deitu zuen gaurko, ANVren jardueren etetea urratu duela eta desobeditu egin duela iritzita. 13:00etan hartu du epaileak eta 14:00etan bukatu da deklarazioa. 10:00etan jarri zion hitzordua Garzonek Arrasateko (Gipuzkoa) alkateari, baina hiru orduz itxaroten eduki du. I˝igo Iruin abokatuak lagunduta deklaratu du Galparsorok. Fiskaltzak eta akusazio partikularrek kartzela eskaera egin ondoren, epailaren erabakiaren zain dago Auzitegi Nazionaleko ziegetan. 19:00etarako agindu du Garzonek erabakia, baina luzatzen ari da. Arestian esan bezala, EAE-ANVren jarduerak eteteko agindua urratzea egozten dio Garzonek. Dena den, epaileak otsailaren 8an kaleratu zuen autoak dio udal hautetsiek dagozkien jarduerak egiteko aukera dutela. Arrasateko Udalak osoko bilkura egin izana, hala ere, ustezko delituen artean jaso du epaileak, iturri judizialen arabera. Ezker abertzaleko hautetsien aburuz, "mozioen bitartez lortu ez dutena, orain Garzonen bitartez, Auzitegi Nazionalaren bitartez, GAL juridikoaren bitartez, lortu nahi dute. Ez da fikzioa, errealitate gordina da: ertzainak tiroka Errenteriako kaleetan, gazteak torturatzen, mozio 'etikoak' antolatzen eta, orain, alkate bat deklaratzen", zioten atzo ezker abertzaleko hautetsiek. Jakin ez dakite zergatik deitu duten deklaratzera Galparsoro Garzon epailearen aurrean. Dakizkiten "xehetasun" bakarrak komunikabideetatik jaso dituztela diote, eta hala salatu nahi zuten atzo Donostian eginiko agerraldi batean Xabier Mikel Errekondo Usurbilgo alkateak eta Niko Moreno Elorrioko alkateak. Haiekin batera izan ziren Galparsoro eta Oihana Aranburu Arrasateko alkateordea; hauek ez zuten komunikabideen aurrean azalpenik eman. =iSalbuespen egoera stop! Euskal Herriak autodeterminazioa=i lelopean, ezker abertzaleak elkarretaratzea egin du gaur 12:00etan Donostian, Prim kalean, PSE-EEren egoitzaren aurrean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal herritarrek 154 gailur piztuko dituzte gaur Pirinioetako Bidean

Euskal herritarrek 154 gailur piztuko dituzte gaur Pirinioetako Bidean

Jon O. Urain

Pirinioetako hirurehun gailur baino gehiago argiztatuko dituzte gaur, Euskal Herriaren eta Kataluniaren burujabetzaren alde. Zuzeneko saio bat ere prestatu dute, eta Berria.eus-en ikusgai egongo da: 21:00etatik 22:30era izango da.

Pirinioetako bidea elkarrekin argitzen

Pirinioek batutako aldarria

Lara Madinabeitia - Olatz Artola Apeztegia

Suredak eta Gomezek «sinbologiaz betetako» mobilizaziotzat dute burujabetzaren alde uztailaren 2an egingo dutena. Elkarlana nabarmendu dute: «Parean duguna berdina da».

Gure Esku-k batzarra egin zuen Eibarren ekainaren 15ean, eta bertan banatu zituzten gaur piztuko dituzten argiak. ©JAIZKI FONTANEDA / FOKU

Burujabetza nahia argiztatzera

Jon O. Urain

Euskal herritarrak eta katalanak Pirinioetako hirurehundik gora gailurretan mobilizatuko dira gaur

 ©Aritz Loiola / Foku

┬źHerri gogoa berpizteko ekimen bat izango da┬╗

Iosu Alberdi

Gure Esku-k eta Kataluniako zenbait eragilek Pirinioetako 400 tontor argiztatuko dituzte larunbatean. Europari mezu bat bidali nahi diote: «Erabaki nahi dugun bi herri gara». 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...