Politika

PPk alderdia sortuko du Nafarroan

UPNko zuzendaritzak aldi baterako alderditik kanpo utzi zituen atzo Cervera eta Del Burgo, eta Raxoik gaur agindu du Nafarroan alderdia eratzeko pausoak emateko. 1991n sinatu zuten ituna, eta PPk dio UPNk hautsitzat eman duela.

Berria -

2008ko urriak 28 14:54
Maria Dolores de Cospedal PPko idazkari nagusiak eman du gaur eguerdian berria: Nafarroan alderdia sortuko du PPk, eta berehala ekingo diote pausoak emateari -egoitza, arduradunak...-. Mariaxo Raxoi alderdiko presidenteak eman du agindua gaur, Espainiako Kongresuko talde parlamentarioak Madrilen egin duen bileran. Efe berri agentziaren arabera, txaloz hartu dute legebiltzarkideek erabakia. UPNk eta PPk 1991n sinatu zuten ituna, eta De Cospedalek agertu du beraiek uste dutela UPNk hautsitzat eman duela ituna. "Nafarroan berriro egon nahi dugu, eta hori gure boto-emaileek garbi daukate". UPNrekin hitz egiteko prest daudela esan du idazkari nagusiak, "baina haiek deitu beharko digute". Atzo arratsean UPNko zuzendaritzak aldi baterako alderditik kanpo utzi zuen Santiago Cervera diputatua -Jaime Ignacio Del Burgo diputatu ohia ere bai-, Espainiako aurrekontuez UPNren erabakia bete ez zuelako lehengo asteko bozketan -UPNk abstenitzea erabaki zuen eta Cerverak PPren osoko zuzenketaren alde eman zuen botoa-. Horrek eragin du PPren gaurko erreakzioa. Lehengo astean UPNko "gaurko zuzendaritzarekin harremana etetea" erabaki zuen. Cerverak, Del Burgok eta UPNko militante denek PPko "ateak zabalik" dituztela jakinarazi du De Cospedalek. Aurrenak PPko zuzendaritzako kide izaten segituko du. Cervera UPNk Kongresuan daukan diputatuetako batek ez du gaur adierazpenik egin nahi izan bere alderdiak =latzo hartu zuen erabakiaz==http://www.berria.info/paperekoa/harian/2008-10-28/009/007/UPNk_elkarlanerako_beste_esparru_bat_osatzea_proposatu_dio_PPri.htm=l. PPko talde parlamentarioak Madrilen egindako bilerara joan da, eta ez du komunikabideen aurrean deus esan neurriaz. "Patxada dudan pertsona naiz, eta uste dut ez zaidala falta orain hori"; hori besterik ez du aipatu gaur, eta esan beharrekoak UPNko Diziplina Batzordean esango dituela. Carlos Salvador UPNko beste diputatua ere izan da gaur PPren bileran -hark UPNk esandakoa bozkatu zuen-, eta berak ere ez du ezer adierazi. PPk argitu du ez dutela talde parlamentariotik bidaliko Salvador, eta Cerverak taldeko kide izaten segituko duela. "Izan ere, PPko erabakiak PPk hartzen ditu".

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Maria Txibite lehendakaria eta Javier Remirez lehendakariordea, Nafarroako Parlamentura iristear ©Jagoba Manterola / Foku

Txibite: «Udazkena eta negua oso zailak izango dira»

Joxerra Senar

Politika orokorreko osoko bilkura dute Nafarroako Parlamentuan, eta COVID-19arn «erronka historikoak zipriztindutako» diskurtsoa egin du Txibitek, hilabeteotako gobernuaren kudeaketa laburbiltzerakoan

Bakartze moduluetako ziegetako leihoan sareak dituzte barroteez gain. Irudian, Puerto III espetxea, hesiz inguratua. / ©Maddi Ane Txoperena Iribarren

Foro Sozialak salatu du urrian hogei preso eduki dituztela bakartze moduluetan

Maddi Ane Txoperena Iribarren

Bigarren lan monografikoa kaleratu du motibazio politikoko euskal presoei aplikatutako espetxe politikaren behatokiak, bakartzeaz eta erregimen itxiaz. Espetxe legedian aurrera egiteko trabak dauzkate bakartuta dauden presoek, Foro Sozialaren arabera.

 ©MARISOL RAMIREZ / @FOKU

«Zozketa zibikoak baliagarriagoak dira erabakiak hartzeko»

Jon O. Urain

Politika publikoei buruzko deliberoak ausaz aukeratutako herritarren ekarpenekin osatzea beharrezko begitantzen zaio Mendiharati. «Uhin deliberatzaileaz» mintzo da, eta izan dira esperientziak Euskal Herrian.
Urriaren 12an egindako ekintzaren une bat. ©IDOIA ZABALETA / FOKU

Polizia etxera deitu dituzte hamasei lagun, erregearen ikur bat eraistea leporatuta

Berria

Urriaren 12an Sortuk Iruñean egindako ekintza ikertzen ari da Espainiako Polizia. Alderdi independentistaren ustez, «beldurra» eragin nahi dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna