Bilboko Plaza Barrian ospatu zuen EAJk Aberri Eguna, Iñigo Urkullu EBB Euskadi Buru Batzarreko presidentea hizlari nagusi zela. Frankismoaren ondoren EAJk oposizioan ospatzen duen aurreneko Aberri Eguna iza zen atzokoa, eta horrek izan zuen islarik Urkulluren hitzaldian. Izan ere, "abertzaletasunaren atomizazioari" egotzi zion "PSE-PP estrategiaren" arrakasta, eta abertzaleak botere guneetatik kanpo egotea. Ildo horretatik, "abertzaletasun demokratikoari" elkarlanerako eskaintza egin zion "bide propioa" egiteko eta egungo egoerari buelta emateko. "Euskadi nazioa" delaeta etorkizuna euskal herritarrek erabaki behar dutela aldarrikatzeko prest agertu zen buruzagi jeltzalea.
Bestalde, ETAk atzo plazaratutako agiriak erakunde armatuak betiko dinamikari eusten diola adierazten du Urkulluren arabera, eta alderdi abertzale "demokratikoei" dei egin zien inguru horretatik zabaltzen diren mezuekin "ez liluratzeko".
Elkarlanerako eskaintza egin dio EAJk "abertzaletasun demokratikoari"
Iruzkinak
Ez dago iruzkinik
Ordenatu
