Aintzane Ezenarro Aralarreko kideak onartu egin du Bildu izan dela hauteskundeetako irabazlea, eta jaso dituen emaitzekin bake prozesua eta normalizazioa atzeraezinak egiteko ardura duela esan du. Tolerantziaren kultura bultzatzeko eskatu dio, eta "jarrera antidemokratikoak" aldatzera deitu du. "Guk beti esan dugu egiteko gauza asko daudela egiteko. Gustatuko litzaiguke atzeraezina den bake prozesu baten aurrean egotea; oraingo honetan bai. Izan ere, porrot egin duten beste hiru ezagutu ditugu. Eta Bilduren gorakadak horretan lagundu badezake, ongi-etorria izan dadila", esan du Radio Euskadik egindako adierazpenetan. Aralarrek hori bermatu beharko lukeela esan du, eta oraindik apustu garbia egitea falta dela gaineratu du. "Herri honetan kultura politiko berria behar da, ezberdin pentsatzen dugunon arteko harremanetan".
Aintzane Ezenarro: "Bake prozesua eta normalizazioa atzeraezinak egiteko ardura du Bilduk"
Iruzkinak
Ez dago iruzkinik
Ordenatu