Albistea entzun

azpiegiturak

Gipuzkoako Batzar Nagusiak AHTaren eta Pasaiako kanpo kaiaren alde azaldu dira

EAJ, PSE eta PPk egin dute bi egitasmoen alde. Bildu eta Aralar ez dira ados agertu.

Berria -

2011ko urriak 5

EAJ, PSE-EE eta PPren botoekin, Gipuzkoako Batzar Nagusiak AHTaren eta Pasaiako kanpo kaiaren proiektuen alde azaldu dira gaur. Bildu (22 batzarkide; Bildu dago foru gobernuan) eta Aralar (1) ez dira haien mozioen alde agertu, baina gutxiengo dira (EAJk 14, PSEk 10, PPk 4).

Hiru alderdiok Foru Aldundiari eskatu diote abiadura handiko trenaren egitasmoa garatzen eta eraikitzen lagundu dezala, eta Donostiak Atotxan AHTaren geltokia izateko lan egiteko.

Bilduk eta Aralarrek "tren soziala" aldarrikatu dute, "Gipuzkoako eskualde denak lotzeko". Jaurlaritzari galdegin diote "optimizatu" dezala tren azpiegitura. 

Pasaiako kanpo portuari dagokionez, Diputazioak haren aldeko "erabateko konpromisoa" izan beharko lukeela esan dute EAJk, PSEk eta PPk. "Horrela, Pasaiako badia erabat berritzeko eta portuko jarduera ekonomikoari eusteko aukera legoke". Eusko Jaurlaritzak eta Espainiako Gobernuko Sustapen Ministerioak udaberrian sinatutako protokoloa izenpetzeko eskatu diote Aldundiari.

Bilduk eta Aralarrek azaldu dute badiaren berreskurapena eta kanpo kaia ez direla lotu behar. Kanpoko portua ekonomikoki bideraezina dela iruditzen zaie eta ingurumen aldetik konpondu ezineko kalteak sortuko lituzkeela. 

Bilkuraren ondoren Markel Olano EAJko batzarkideak esan du Bildu "bakarrik" dagoela Batzar Nagusietan, eta "gipuzkoar gehienen proiektuak" ez eragozteko eskatu dio.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Teresa Ribera ministroa sistema berria azaltzen. ©FERNANDO ALVARADO / EFE

Gasaren prezioa mugatu du Madrilek, argindarra %30-35 merkatzeko

Xabier Martin

Bruselak oniritzia emango dio sistemari, baina 2023tik aurrera Espainiak tarifa arautua aldatu beharko du. Gaur argitaratu da sistema berria aldizkari ofizialean.

Nekazari bat bere lurretan lanean traktore zahar batekin, Khmelnitskin. ©OLEG PETRASYUK / EFE
<b>Funtzionarioak.</b> Langileak, Jaurlaritzako administrazio orokorreko egoitzara sartzen, aste honetan. ©RAUL BOGAJO / FOKU

Lehian beren postuengatik

Jokin Sagarzazu

Administrazioak oposizio deialdi bereziak iragartzen ari dira, behin-behineko lanpostuak finkatzeko; zehaztu gabe daude zein, baina ez dira guztiak aterako. «Oposizio malguak» izango dira, eta hautaketa irizpideak argitu behar dituzte.

Josu Jon Imaz (Repsol), Arantxa Tapia (Jaurlaritza), Juanjo Alvarez (Zedarriak) eta Armando Martinez (Iberdrola). ©L. T. / EFE

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...