Epaileak hogei egun barru jakinararaziko du erabakia. Baina Gonzalez baikor da. "Prest nago borrokan jarraitzeko", esan du. Gainera, kexu azaldu da arduradun politikoekin. "Bada garaia gai honi heltzeko. Behar ekonomikoak dituztenek eta etxetik botako dituztenek behar dute erreskate plan bat, ez banketxeek".
Ahozko epaiketan Gonzalezen abokatuak salatu du Kutxaren esku dagoela orain lokala eta enkatean 68.000 euroan bereganatu bazuen ere orain 119.000 euroan duela salgai. "Horrekin guztiarekin zorra aski kitatua egon beharko luke". Kutxako ordezkariek, berriz, ukatu egin dute lokala salgai dagoela. Gainera, adierazi dute negozioa Gonzalezek egin nahi zuela, lokal hori erosi eta etxebizitza bihurtuz. Horrenbestez, Gonzalez etxetik botatzeko prozedurarekin aurrera jarraitzeko eskatu dute.
Stop Kaleratzeak elkartearen babesa jaso du Gonzalezek.