Emakumeen Kontrako Indarkeriaren Aurkako Nazioarteko Eguna da igandean, eta, egun horri begira, eskari argia egin die erakundeei Bilgune Feministak: aldaketa errealak egiteko. "Ez ditugu behar azaleko erreformak, ezta lege hutsalak ere. Are gutxiago emakumeok menpekoago egingo gaituen erreforma planik", salatu du Joana Aurrekoetxeak. Hartzen diren neurrietan mugimendu feminista kontuan hartzeko eskatu du Aurrekoetxeak.
Bilgune Feministak kezka azaldu du krisi ekonomikoaren ondorioz ezartzen ari den "eredu neoliberal patriarkalarekin". "Eredu horrek beharrezkoa du mailaketa hierarkikoa, eta hierarkia hori mantentzeko ezinbestekoa da indarkeriaren erabilera", gororarazi du Aurrekoetxeak. Asteburuan Euskal Herri osoan egingo diren protestetan parte hartzera dei egin du.