Albistea entzun

euskal herria

Donostiako Udalak Hiritar Merezimenduaren Domina emango dio Txillardegi zenari

Bilduk, EAJk eta PSE-EEk alde bozkatuko dute biharko udalbatzarrean; PPk, aurka. Beste lau omendu ere izango dira.

Txillardegi, iaz.
Txillardegi, iaz. / Andoni Canellada/ARP

Berria -

2012ko abenduak 19 17:00

Donostiako Udalak Hiritar Merezimenduaren Domina emango dio Jose Luis Alvarez Enparantza Txillardegi zenari, urtarrilean. Hala erabakiko du bihar udalbatzarrak, Bildu, EAJ eta PSE-EEren botoekin. PPk iragarri du aurka azalduko dela, Txillardegi ETAren sortzaileetakoa izan zela argudiatuta. "Izendapenak izaera politikoa du", esan du Ramon Gomez PPko zinegotziak.

PSE-EEk dio Txillardegi zenari udalak domina ez diola emango haren "ideologia politikoagatik, baizik eta idazlea eta euskararen mundura lotutako laguna izan zelako". 

Aurtengo urtarrilaren 14an hil zen Txillardegi politikari, hizkuntzalari eta idazlea, Donostian, etxean, 82 urte zituela.

Hari ez ezik, Jaime Caballero igerilariari, Enkarni Genua eta Manolo Gomezen txotxongilo taldeari, Luisa Etxenike idazleari eta Donostiako Ospitaleko Neonatologia unitateari ere emango die udalak Hiritar Merezimenduaren Domina. Ekitaldia San Sebastian bezperan izango da —urtarrilaren 19an—, udalbatzarren aretoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.