Komunikazioa

EITBko kudeatzaile ohi Juan Diego inputatu dute

Funtsak bidegabe erabiltzea eta delitu sozietarioak leporatzen dizkiote Juan Diegori, eta inputatu gisa deklaratzera joan beharko du Bilboko instrukzio epaitegira martxoaren 15ean.

Urtzi Urkizu -

2013ko otsailak 27

LAB sindikatuak aurkeztutako salaketa bat tramitera onartu du Bilboko instrukzio epaitegiak. 2009. urtean EITBren izenean 700.000 euroko mailegu baterako bermea sinatu izana leporatzen diote Juan Diego EITBko kudeatzaile ohiari. BBK-k Vilau Media enpresari eman zion mailegua, eta diru hori EITBk ordaindu behar izan zuen iaz. Funtsak bidegabe erabiltzea eta delitu sozietarioak egin izanagatik deklaratu beharko du Diegok.

Vilau Media S.L. enpresa 2005. urteko apirilean sortu zuten, 60.000 euroko kapitalarekin. Kapital haren erdia EITBnetek jarri zuen, eta administrazio kontseiluaren osaketan presidentea eta bokale bat EITBnet eta ETBri eman zitzaizkien. Bazkide sortzaileak honakoak izan ziren: Andoni Ortuzar (ETBnet-en izenean), Juan Diego, Mikel Agirre eta Julian Florez (Ini-Graphicsnet Stiftung enpresaren izenean). Ortuzar zen une hartan EITBko zuzendari nagusia. Mikel Agirre, berriz, EITBko Ustiapen zuzendaria zen —aste honetan uko egin dio EITBko zuzendari nagusiaren hautagaitzari—. Eta Juan Diego EITBko kudeatzailea. Javier Calerak ere parte hartu zuen Vilau Mediaren sorreran —denboraldi batean EITBNet-eko zuzendaria izan zen—.

2009ko ekainaren 15ean, Alberto Surio EITBko zuzendari nagusi izendatu baino egun batzuk lehenago, Vilau Mediarentzat 700.000 euroko mailegu baten bermea sinatu zuen EITBko kudeatzailea zenak. Handik hiru urtera, 2012. urteko uztailean, Suriok zuzendutako taldeak deskubritu zuen  BBKren mailegua itzultzeko epea amaitu zuela. Vilau Mediak ezin zuen mailegua itzuli, eta EITBk hartu behar izan zuen ordainketa bere gain. 

LABek esan du kereilaren detaileek argi uzten dutela ardura penalez gain, "ardura politikoak" ere badaudela tartean. "EITBren kudeaketa ez da izan talde publiko batena, baizik eta nork bere apetara egin eta desegin ahal duen  partikularrena, antza, eta interes arras ilunak uzten ditu agerian". EITBk BBKri 700.000 euroko ordainketa egin behar izan zion iaz. "Horrek ekoizpen propioko programak desagertarazi ditu, langile taldearentzat ekarri duen guztiarekin". EITBko zuzendaritza erabakitzen ari den une honetan, LABentzat "benetan larria da diru publikoaren kudeaketa modu hauetan inplikaturik egon den taldearen aldeko apustua berriro ere egitea".

EH Bilduko legebiltzarkide Unai Urruzunok oso larritzat jo du EITBko kudeatzaile ohiaren aferaren berria, eta «ustelkeri zantzuak» sumatu ditu. "EITBko zuzendari berriak eta zuzendaria izendatu behar duenak argi eta garbi  erantzun behar dute ea horrelako praktikak hobesten eta babesten jarraituko duten ala ez", gaineratu du EH Bilduko kideak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Emakume bat oinez Donostian, erosketen poltsak eskuetan, joan den apirilean. ©GORKA RUBIO / FOKU

Zaurgarrienak, zaurgarriago

Maddi Ane Txoperena Iribarren

Pandemiak emakume eta gizonen arteko desberdintasunak sakondu dituela ondorioztatu du Emakunderen txosten batek. Egoera hobetzeko gomendioak eman dizkie erakundeei

Angeluko hondartza. ©Guillaume Fauveau

Maskara derrigortu dute Lapurdiko zenbait herritan

Ekaitz Etxamendi

Miarritzen, Donibane Lohizunen eta Baionan (Lapurdi) beharrezkoa izanen da maskara erabiltzea. 135 euroko isuna izanen du maskararik gabe doanak. Euskal Hirigune Elkargoak jakinarazi du Angeluko eta Miarritzeko hondartzetako gaueko garraioak geldituko dituztela, COVID-19aren hedapena murrizteko.

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna