Ontzioletako sektoreko langileek manifestazioa egin dute gaur goizean. 11:30ean abiatu dira Sestaotik, eta Santurtziraino joan dira. 13:00 inguruan heldu dira manifestaldi amaierara. Milaka lagun elkartu dira protestan, eta, besteak beste, EH Bilduko legebiltzarkide Maribi Ugarteburuk eta PSEko Bizkaiko idazkari nagusi Jose Antonio Pastorrek egin dute bat martxarekin.
Ohartarazi dute sistema horren bidez ontziolek ordaindu ez zuten dirua orain pagatu behar izanez gero sektorea hiltzorian gera daitekeela.
Iñigo Urkullu Eusko Jaurlaritzako lehendakaria eta Jose Manuel Soria Espainiako Industria ministroa Joaquin Almunia Europako Batzordeko Lehia komisarioarekin bilduta daude, Tax lease sistemaren bidez ontziolek ogasunei pagatu ez zizkieten 2.000 milioi euro ez ordaindu behar izatea eskatzeko.
Protestan, langileek kezka agertu dute sektorearen etorkizunaren inguruan, eta Almunia eta Europako Batasunaren kontra egin dute oihu.
