EUSKAL HERRIA

Sevilla II-ko euskal presoek bertan behera utzi dute gose greba

31 egun egin dituzte baraualdian. EPPK-k nabarmendu du protestak presoen egoera ezagutaraztea ahalbidetu duela.

Presoekin elkartasunez egindako protesta bat, Bilbon Gobernu Zibilaren aurrean, herenegun. /
Presoekin elkartasunez egindako protesta bat, Bilbon Gobernu Zibilaren aurrean, herenegun. / Luis Jauregialtzo/ARP

Berria -

2013ko azaroak 28

Sevilla II kartzelan dauden euskal presoen egoera salatzeko abiatu zuten gose greba urriaren 28an. “Sevillako egoera ez da atzo goizekoa. Espetxeko isolamenduan kokatzea ez ezik, zigor errejimen iraunkorra aplikatzen baitiete. Patiorduetan elkarrekin atera beharrean bananduta irtetera behartzen dituzte, etengabeko miaketak jasan behar izaten dituzte eta osasun eskubidea ez zaie bermatzen”, oroitarazi du Euskal Preso Politikoen Kolektiboak.

Etxeratek Twitter bidez jakinarazi du albistea, eta azpimarratu du Sevilla II-ko presoen egoera ez dela aldatu, eta euren eskubideen alde lanean jarraitzeko asmoa iragarri du.

EPPK-k BERRIAra igorri duen oharrean “babes osoa” adierazi die gose greban parte hartu duten presoei. Protestaren bidez lortutakoak nabarmendu ditu kolektiboak: “Beste espetxeetan elkartasun ekimenak burutzeaz gain, kalean eta instituzioetan oihartzuna eta ardura zabaltzea lortu da”.

Gose greba bertan behera geratuta, “herriarekin batera jarraituko dugu egoerari aurre egiten, konponbide bati begira presioa arindu eta beste molde batez ekinez”, azaldu du EPPK-k.

13 preso protestan

Iker Agirre, Jabi Agirre, Gurutz Agirresarobe, Koldo Aparicio, Iñaki Arakama, Asier Arzalluz, Juan Mari Etxebarri, Garikoitz Etxeberria, Jesus Goikoetxea, Manuel Gonzalez, Juan Lorenzo Lasa Mitxelena, Roberto Lebrero eta Urtzi Paul Larreak hartu dute parte baraualdian.

Preso ugarik gose greba utzi behar izan dute osasun arazoak direla medio, eta seik jarraitu dute: Iker Agirre, Gurutz Agirresarobe, Juan Mari Etxebarri, Txus Goikoetxea, Juan Lorenzo Lasa eta Roberto Lebrero dira baraualdiarekin jarraitu zutenak, eta itxialdian zeuden gainontzekoak, protesta egiten segitzeko. Koldo Aparicio, berriz, aske geratu zen hilaren 23an. Bakoitzak 15 bat kilo galdu dituela eta osasun egoera oso ahulean daudela ohartarazi du Etxerat-ek.

Herenegun salatu zutenez, Sevilla II-ko zuzendaritza ez da harremanetan jarri gose greban zeuden presoekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna