Albistea entzun

Udalbiltza

Udalbiltza diruz lagundu duten udalen aurkako helegiteak jarri ditu Urkijok

Hemezortzi udalek jasoa dute Espainiako Gobernuak EAEn duen ordezkariaren helegitea, eta biltzarrak salatu du litekeena dela "beste askok jasotzea". "Udalbiltza arlo ekonomikoan ito nahian dabil".

Euskal Garapen ea Kohesio Fondoa izan da Udalbiltza Patzuergoaren lanabes nagusia. Irudia, fondoaren aurkezpea, 2006ko ekainean.
Euskal Garapen ea Kohesio Fondoa izan da Udalbiltza Patzuergoaren lanabes nagusia. Irudia, fondoaren aurkezpea, 2006ko ekainean. Marisol Ramirez / Argazki Press

Berria -

2014ko urriak 28 07:41

Espainiako Gobernuak EAEn duen ordezkari Carlos Urkijok helegitea aurkeztu du Udalbiltza partzuergoari diru ekarpenak egin dizkioten hemezortzi udalen aurka. Udalbiltzak jakinarazi duenez, gainera, baliteke “beste askok ere jasotzea” errekerimendua. Urkijok hiru motako administrazio egintzen aurka aurkeztu ditu errekurtsoak: Udalbiltzako partzuergoko kideen kuotaren ordainketa, partzuergoa eta hainbat udalen arteko lankidetza, eta udal aurrekontua berari buruzkoak, horrek partzuergoarentzako diru sailik jasotzen badu.

Euskal Herriko udal eta udal hautetsien biltzarrak adierazi duenez, Udalbiltza partzuergoaren aurrekontuak eta egintza administratiboak publikoak dira, eta Gipuzkoako Aldizkari Ofizialean argitaratzen dira.

Urkijoren helegiteetatik eratorritako lehen epaiketa azaroaren 11n egingo da, Irurako (Gipuzkoa) udal akordio baten aurka. Kideen kuoten ordainketari eta partzuergoaren eta udalen arteko lankidetza hitzarmenei dagozkien helegiteak EAEko hiru hiriburuetako administrazio auzitegietan ebatziko dira. Udalen aurrekontuei dagozkienak, ordea, EAEko Auzitegi Nagusiko administrazio auzietarako salan.

Euskal Herriko 38 udalek osatzen dute Udalbiltza partzuergoa. 2001ean sortu zen, Udalbiltza Euskal Herriko hautetsien biltzar gisa eratu eta gero, eta 2012an berrosatu zen. Eskualdeen arteko desorekak gainditzea eta kohesioan urratsak egitea da partzuergoaren helburu nagusia, eta horretarako Euskal Garapen eta Kohesio Fondoa izan du lanabes nagusi. Funts horren bitartez Udalbiltza partzuergoak hainbat programa jarri ditu martxan azken urteetan.

Udalbiltzak jakinarazi duenez, kide diren 38 udalen kuotak eta udal batzuekin sinatutako lankidetza hitzarmenak dira partzuergoaren diru iturri bakarrak. Horregatik, bere jarrerarekin Urkijok partzuergoa “arlo ekonomikoan ito eta haren jarduna eten” nahi duela salatu du.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Hainbat gaztek biribilgune bat moztu dute Bergaran (Gipuzkoa), eta garraio publiko

Ernaik gazteen bizitza «duintzeko» eskatu du, zortzi ekintza deszentralizatu eginda

Berria

Besteak beste, EHUren Leioako campuseko errektoretza «blokeatu» eta Bergarako San Prudentzio auzoko biribilgunea moztu du gazte antolakundeak.

Azaroaren 11n Urruñan agertu zen pankarta ©Henri Levrero

Filipe Aramendik ez du salaketarik jarriko azaroaren 11ko pankartagatik

Ekhi Erremundegi Beloki

Lehen Mundu Gerlako oroitzarren harira Frantziak erailak zioen pankarta «iraingarritzat» jo zuen Urruñako auzapezak, eta soldaduak «askatasunaren defentsan» hil zirela erran zuen. Bere adierazpenekin desados agertu zen EH Bai.

 ©Isabelle Miquelestorena

Euskal kulturaren «pizkundearen sortzailetzat» jo dute Abeberri

Ainize Madariaga

Euskal Dantzarien Biltzarreko presidente izan zen. Abeberrik dantza profesionalizatzearen alde eginiko lana nabarmendu du Filgi Claveriek
Donostiako Dbuseko autobus bat. ©GORKA RUBIO / FOKU

Mugiren deskontuaren luzapenak talka eragin du erakundeen artean

Xabier Martin

Gipuzkoako Foru Aldundiak iragarri du 2023an ere egungo deskontuari eutsiko diola, baina neurri hori nork ordainduko duen ez dago argi.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...