Errimak bilatuz

Vuelta España bukatzeko

segidilla kantatzeko;

urteroko legea

bertso hau da nirea.

Zortzi Tour eta lau Vuelta

dauzkat zorroan gordeta;

Giro bat falta arren

ez naiz sentitzen herren.

Batzutan helburuak betez

bestetan emaitzak nekez;

garaipenaren bila

ta saiakerak mila.

Aurtengoa ez da txarra

baina ezta ere earra;

trantsizioko urtea

ilusioz betea.

Orain Madrila helduta

nago oso nekatuta;

atsedena hartzera

joango naiz ni etxera.

Nahiz urtea ez bukatu

gehio behar dut lehiatu;

Holanda, Italia eta

Txinako lehiaketa.

Eta ondoren oporrak

hoiek dira garai onak;

baina gerokoak gero

ez naiz jarriko bero.

Plazer handi bat izan da

bihotz-bihotzez esanda;

BERRIAn idaztea

ez da gauza tristea.

Espero gustatu izana

hori baitzen nire plana;

gaizki esanak barkatu

ta onak gogoratu.

Gero arte euskaltzale

etzazula egin kale;

ezinbestekoa zara

eman zure ziztada!