«Aurreiritzien kontra» epaitegietan

Euskal LGTBI+ Behatokiak elkarretaratzea egin du Bilboko epaitegien aurrean, oraindik ere botere judizialean eta beste zenbait erakundetan dauden «aurreiritziak» eta «babes falta» salatzeko. 2021etik aurrera Bilbon gertatutako zenbait gizonezko gayren hilketen inguruan, ikerketa eta justiziaren erantzuna «eskasak» izan direla irizten diote, eta fiskaltzaren «nagikeria eta interes falta» ere salatu dute. Bilboko Udala ere kritikatu dute, auzi horretan herri akusazio gisa ez aurkezteagatik.