'Egunkaria'-k asko zuen esateko 1990ean

Abenduan 25 urte bete ziren Euskaldunon Egunkaria-k lehen zenbakia argitaratu zuenetik. Kazetaritza mundua asko aldatu da geroztik, baita publizitatearena ere. Euskarazko egunkari bakarraren sorrera sustatzeko, iragarki berezi bat egin zuten 1990eko udazkenean. ETBn eta TVEn eman zuten iragarkia. Luis Goia zena izan zen iragarkiaren ekoizlea —euskal zinemako film garrantzitsuetako ekoizlea, eta Koldo Izagirre gidoilaria —Trenbideako Filmeak ekoizpen etxearen esku gelditu zen iragarkia egitea—. Kameralaria, berriz, Gonzalo Berridi izan zen. 35 milimetroan filmatu zuten iragarki hura. Origamiko irudiak egiteko, berriz, aditu bat ekarri zuten Kataluniatik Euskal Herrira.