K2000 eta La Competencia Producciones ekoizpen etxeek sortu dute Eskamak kentzen telesaila, Iñigo Lezertua gidoilariaren ideia batean oinarriturik. Mutrikukoa (Gipuzkoa) da Lezertua, eta kostaldeko herri horretan grabatu dituzte eszena asko.
Asteartean eman zuen ETB1ek lehen atala, eta 39.000 ikusle izan zituen; %4,3ko ikusle kuota. Konparaziorako: ETB1ek %2,1eko ikusle kuota izan zuen urtarrilean, hiru hamarren gehiago abenduan baino.
Telesail berria astearte gauetan emango du ETB1ek, 22:00etan. Bigarren emanaldia ere izango du atal bakoitzak, igandean, 21:30ean —Herri txiki, infernu handi-ren aurretik—.
