Andreu Buenafuente aurkezleak errieta egin zien aurrekoan Late Motiv saioan zuzenean jotzen duen taldeari. Beti antzeko gauza jotzen zutela leporatu zien.
Orduan, erronka onartu, eta zeozer berri egiteko prestatu ziren Pablo Novoa eta Pirata musikariak. Kapera buruan jarri, eta AC/DC talde australiarraren Back in black kantuaren lehenengo riff-ak aireratu zituzten. Baina Piratak mikroa hartu eta lehen hitzak abesteari ekin zionean heldu zen ustekabea: euskarazko bertsioa egiten ari ziren.
Ayer hicimos esta gamberrada en @LateMotivCero . Eta gainera euskaraz kanta egin genuen. https://t.co/qKHGHmjY5c
— Pirata Piratobich (@PirataPiratobic) April 14, 2021
Pirata Luis Mari Moreno errenteriarraren (Gipuzkoa) ezizena da. Musikari beteranoa da, eta, besteak beste, Blues Thorpes eta LosDelGas taldeetan ibili da.
Lehen ere, taularatu dituzte euskarazko kantak saio horretan: Olatz Salvador eta Iñaki Salvador gonbidatu zituzten Euskararen Nazioarteko Egunean, eta Ez garen gu pieza jo zuten zuzenean.
LATE MOTIV | Olatz Salvador | Iñaki Salvador. 'Ez garen gu' âÂÂÂÂœ¨https://t.co/5bnZEPyTSx
— Olatz Salvador (@OlatzSalvador) December 20, 2020
Duela urte batzuk, 2015ean, Eneko Dorronsoro eta Xabier Arakama soinujoleek AC/DCren Thunderstruck abestiaren bertsioa jo zuten Oñatiko Trikiti Jaialdian. Hitzik gabe, halere.
