'Amatxi' fanzinea argitaratuko dute hilean behin

BAIONA. Ipar Euskal Herrian Amatxi sortu dute, hilean behin argitaratuko den euskarazko fanzine librea, herrikoia eta iragarki komertzialik gabekoa. Helburuen artean dago gogoetak sortzea, kultur ekitaldien berri ematea eta obra artistikoak zabaltzea. Hasteko, liburutegietan eta mediateketan banatuko dute. Edozein ohartarazpen [email protected] helbide elektronikora egiteko eskatu dute.