We live in Public dokumentala emango dute gaur Kalaska espazioan, Iruñean. Eguzki Bideoak taldeak antolatu du dokumental estatubatuarraren emanaldia, eta herritarren gaur egungo publikotasunaren inguruan gogoeta egitea du xede.
Ondi Timoterek zuzendatuko dokumentala da, eta, Interneten garapenean garrantzi berezia izan zuen pertsona baten ibiliak kontatzen ditu. Josh Harris izena du, eta, proiektu harrigarriak egin zituen arren, ez du ia inork ezagutzen.
Bere garairako aurreratuta ibili zela erakusten du lanak; izan ere, 1999an, YouTube, Facebook, edota Big Brother programak sortzeko zeudenean, antzeko proiektu bat prestatu zuen: New Yorkeko lur azpiko gela erraldoi batean, hamar eguneko festa bat prestatu zuen. 100 pertsona gonbidatu zituen bertan parte hartzera; guztia dohainik zen; diruz bai, behintzat. Txoko guztia kameraz josita zegoen, eta haiek grabatutakoa zuzenean Internet bidez ematen zuten. Festa, ordea, Polizia sartutakoan amaitu zen.
Horren ondoren, bere etxean 32 kamera jarri zituen, eta, bikotearekin batera, beren eguneroko bizia erakutsi zuen Internet bidez. Azkenean, neskak utzi egin zuen, eta zeukan dirutzarik gabe gelditu zen, guztia, kameren aurrean.
WE LIVE IN PUBLIC
Non. Iruñeko Kalaska espazioan.
Noiz. Gaur, 20:00etan.
Anaia handiaren aitzindaria
Eguzki Bideoak 'We live in Public' dokumentala emango du gaur, Interneten erabileraz pentsatzeko
Iruzkinak
Ez dago iruzkinik
Ordenatu
