Andoni Agirregomezkorta 'Vaya Semanita'-tik at

TELEBISTA. Zazpi urte eman ditu Andoni Agirregomezkorta aktoreak Vaya Semanita umore saioa aurkezten, baina ETBko zuzendaritzak esan berri dio ez duela jarraituko. «Hobe da zergatiaz erabakia hartu dutenei galdetzea, neure bertsioa eman banezakeen ere», idatzi du aktoreak Facebooken duen orrian. Azken boladan izaniko emaitza txarrak direla-eta, saioan aldaketa handiak egingo zituztela eta «azken aukera» emango ziotela iragarri zuen ETB2k uztailean.