'Are you APP?', Internet bidezko umorezko saioa

Telefonoetako aplikazioek eta sare sozialek jendearen arteko komunikazioan duten eragina umorezko ikuspuntu batetik jaso nahi du Internet bidezko Are you APP? saioak. Naissant Media ekoizpen etxeak gaztelaniaz egindako esketxak izango dira, eta atzo egin zuten estreinaldi ofiziala. Nydia G. Vacas da saioko zuzendaria, eta ikusleen parte hartzea bultzatu nahi duela azaldu du. Musika konposatzera, agertokiak eta jantziak diseinatzera eta pertsonaiak interpretatzera animatu nahi ditu ikusleak. Aktoreen artean Aida Folch, Fernando Teilve eta Jimmy Barnatan daude.