ARTE DIGITALAREN GARAPENARI BURUZ

Bilboko Alondegia aisialdi eta kultura zentroak ArtFutura XXI erakusketa zabaldu du. Azken bi hamarkadetan arte eta kultura digitalak izandako garapena ikusgai izango da uztaila eta iraila bitartean. 1990. urteaz geroztik urtero hiri batean egiten da erakusketa, «teknologia berrien alderdi gizatiarra» erakusteko. Bilboko ArtFutura XXI erakusketan Sachiko Kodama, Paul Friedlander eta Theo Jansen nazioarteko artisten obrak ikusi ahal izango dira.