Artisau produktuen Erdi Aroko azoka asteburuan

SANTURTZI. Larunbatean zabalduko dute Santurtziko Erdi Aroko III. azoka. Bi egunetan, Balleni de Cabieces parkean, 40 erakusmahai egongo dira eta denetariko artisau produktuak eskainiko dituzte: elikagaiak, xaboiak, arropak, sendabelarrak, kristalez edo egurrez egindako produktuak, eta abar. Hau da azokaren ordutegia: 11:00etatik 14:30era, eta 18:00etatik 22:00etara.