Artzain txakurren lehiaketa arratsaldean

LEGAZPI. Gipuzkoako Artzain Eguna ospatuko dute gaur Legazpin (Gipuzkoa). Aurten, Julian Korta eta Juan Aldasoro artzainak omenduko dituzte, baita Martin Irazoki eta Santiago Mitxelena ere. Irazoki eta Mitxelena Ameriketan artzaintzan ibilitakoak dira. Beste ekitaldi batzuez gain, Gipuzkoako 44. Artzain Txakurren Lehiaketa egingo dute, 17:30ean, Urtatzako zelaian.