Aste Nagusirako segurtasuna indartu dute

BILBO. Bilboko Udalak hainbat neurri hartu ditu, Aste Nagusian hiritarren segurtasuna eta erosotasuna bermatzeko. Ia 400 poliziak zainduko dute hiria 24 orduz, eta, zirkulazioari dagokionez, kale batzuk itxi egingo dituzte. Bilbobus zerbitzuaren ibilbideak eta ordutegiak ere aldatu egingo dituzte. Garbiketaz, 220 lagun baino gehiago arduratuko dira, eta 470 edukiontzi jarriko dituzte.