Asteburuan hasiko da Pirena Advance 2011

ZAKUR LERAK. Zaragozan (Espainia) bihar aurkezpen ofiziala egin, eta igandean jokatuko da Pirena Advance zakur leren lasterketa ezagunaren lehenengo etapa. Ohikoa dutenez, La Partacua-Nieve de Aragon eski estazioaren inguruetan jokatuko da. Astelehenean eta asteartean, berriz, Formigalen eta Candanchun jokatuko dira bigarren eta hirugarren etapak. Elur faltagatik bi asteko atzerapenarekin hasiko da Pirena, eta hainbat musherrek ezingo dute parte hartu.