ASTEBURUKO PROPOSAMENAK. ELB sindikatuak igandean egingo du urteroko besta

IRULEGI. Baigorriko laborariek antolatuta, igandean ELB sindikatuaren (Euskal Herriko Laborarien Batasuna) besta izango da Irulegiko Denen etxean. Eguerdian hasiko da aperitiboarekin, eta bazkariarekin jarraituko du. Gero, kantariak eta Kiki Bordatxok bazterrak animatuko dituzte. Afaria ere izango da. Ostiral iluntzean, ELBko Gazte Taldeak Gaztain gaua antolatu du Donaixtiko Bota gaztetxean.